64231
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | སྔགས། རྫོགས་ཆེན། རྙིང་མ། ཉི་ཟླ་འབར་བའི་སྒྲོན་མ་ལས། འཇམ་དཔལ་ཅེས་པ་ནི་དོན་རྣམ་པ་གསུམ་སྟེ། ཀུན་རྫོབ་རྒྱ་ཆེ་བའི་འཇམ་དཔལ་དང་། ཟབ་པ་དོན་གྱི་འཇམ་དཔལ་དང་། སྐྱེ་མེད་སྙིང་པོའི་འཇམ་དཔལ་དང་གསུམ་མོ། །ཀུན་རྫོབ་རྒྱ་ཆེ་བའི་འཇམ་དཔལ་ལ་གསུམ་སྟེ། ཐབས་རྒྱ་ཆེ་བའི་འཇམ་དཔལ་དང་། དཀྱིལ་འཁོར་རྒྱ་ཆེ་བའི་འཇམ་དཔལ་དང་། སྐུ་རྒྱ་ཆེ་བའི་འཇམ་དཔལ་དང་གསུམ་མོ། །དེ་ལ་ཟབ་པ་དོན་གྱི་འཇམ་དཔལ་ལ་ཡང་གསུམ་སྟེ། རང་བཞིན་ཟབ་པའི་ཆོས་སྐུ། ངོ་བོ་ཟབ་པའི་ལོངས་སྐུ། ཐུགས་རྗེ་ཟབ་པའི་སྤྲུལ་སྐུ་དང་གསུམ་མོ། །སྐྱེ་མེད་སྙིང་པོ་ཆོས་ཉིད་ཀྱི་འཇམ་དཔལ་ལ་ཡང་གསུམ་སྟེ། སྐྱེ་བ་མེད་པའི་འཇམ་དཔལ་དང་། ཀ་ནས་དག་པའི་འཇམ་དཔལ་དང་། དངོས་མེད་བློ་འདས་ཀྱི་འཇམ་དཔལ་དང་གསུམ་མོ། །འཇམ་པ་ནི་ཟུག་རྔུ་མེད་པས་འཇམ། དཔལ་ནི་གཉིས་ཏེ། རྟོགས་པ་བདག་གི་དཔལ་དང་། ཐུགས་རྗེ་གཞན་གྱི་དཔལ་ལོ། །རྟོགས་པ་བདག་གི་དཔལ་ནི། གཞི་སྐྱེ་མེད་ཀ་དག་ཏུ་རྟོགས་པའོ། །ཐུགས་རྗེ་གཞན་གྱི་དཔལ་ནི། དེ་ལྟར་མ་རྟོགས་པ་རྣམས་ལ་སྐྱེ་མེད་ཀ་དག་གི་དོན་སྟོན་པའོ། །ཞེས་གསུངས། |
| Domain | [ཆོས་ལུགས།, ལྟ་གྲུབ།] |
{{#arraymap:འཇམ་དཔལ་གྱི་དོན་རྣམ་པ་གསུམ་
|; |@@@ | | }}