64329

འཇམ་དབྱངས་གུ་ཤྲི་ཤཱཀྱ་རྒྱལ་མཚན་ (1)

Part of speech	མིང་ཚིག
Definition	རབ་བྱུང་དྲུག་པའི་ལྕགས་འབྲུག་ཕྱི་ལོ་ ༡༣༤༠ ལོར་བསོད་ནམས་བཟང་པོ་དང་། ཇོ་མོ་ཉི་རུ་མ་གཉིས་ཀྱི་སྲས་སུ་འཁྲུངས། ཆུང་དུས་སུ་བླ་མ་ཀླུ་ལུང་པ་ལས་ཡི་གེའི་འབྲི་ཀློག་མཁས་པར་སྦྱངས། ཆོས་བཞི་གྲགས་པ་རྒྱལ་མཚན་ལས་དགེ་བསྙེན་གྱི་སྡོམ་པ་དང་། སློབ་དཔོན་གཞོན་ནུ་བརྩོན་འགྲུས་ལས་དགེ་ཚུལ་གྱི་སྡོམ་པ་མནོས། བུ་སྟོན་རིན་ཆེན་གྲུབ་ལས་མདོ་སྔགས་ཀྱི་གདམས་པ་མང་དུ་གསན། དབང་ལུང་མན་ངག་མང་དུ་ཞུས། སློབ་དཔོན་གཞོན་ནུ་བརྩོན་འགྲུས་ལས་མདོ་སྔགས་ཀྱི་གདམས་པ་མང་དུ་གསན། དབང་ལུང་མན་ངག་མང་དུ་ཞུས། གདན་སར་བརྟག་གཉིས་དང་རྩེད་ཐང་དུ་བཀའ་པོ་ཏི་བཞི་ལ་བཤད་པ་མཛད་པས་མཁས་གྲགས་རྒྱས། ཆོས་རྗེ་བླ་མ་དམ་པའི་མདུན་ནས་བསྙེན་པར་རྫོགས། ལྷ་སར་ཆོས་འཁོར་དང་རྩེད་ཐང་གི་ཚོགས་པ་ཕྱི་ལོ་ ༡༣༦༥ ལོར་ཕོ་བྲང་སྣེའུ་གདོང་རྩེའི་ཁྲི་ཐོག་ཏུ་ཕེབས། ཕག་གྲུའི་བླ་དཔོན་གྱི་འགན་ཁུར་ལོ་ངོ་བདུན་གྱི་རིང་དུ་བཞེས། ཡོན་རྒྱལ་རབས་ཀྱི་གོང་མ་ཆེན་པོ་ཧོར་ཐོ་གན་ཐེ་མུར་རྒྱལ་པོས་ཏའི་སི་ཏུ་ཆང་གུའི་གུང་ཀྭ་དིན་གུ་ཤྲཱིའི་གོ་གནས་དང་། བོད་ཆོལ་ཁ་གསུམ་བརྒྱུད་པ་དང་བཅས་པ་ཤེས་སུ་འཇུག་པའི་འཇའ་ས་ཕུལ། རབ་བྱུང་དྲུག་པའི་ཆུ་བྱི་ཕྱི་ལོ་ ༡༣༧༢ ལོར་ཏཱ་མིང་ཧུང་འུ་རྒྱལ་པོས་ཀྱང་ཀྭ་དིན་གུ་ཤྲཱིའི་གོ་གནས་དང་ཐམ་ཁ་སོགས་གནང་། རབ་བྱུང་དྲུག་པའི་ཆུ་གླང་ཕྱི་ལོ་ ༡༣༧༣ ལོར་སྐུ་གཤེགས། ཕག་གྲུ་སྡེ་སྲིད་ཁྲི་རབས་གཉིས་པ་ཡིན།
Synonyms	འཇམ་དབྱངས་ཤཱཀྱ་རྒྱལ་མཚན།