64346

འཇམ་དབྱངས་ནམ་མཁའ་རྒྱལ་མཚན་ (1)

Part of speech

མིང་ཚིག

Definition

རབ་བྱུང་བདུན་པའི་ས་སྟག་ཕྱི་ལོ་ ༡༣༩༨ ལོར་ས་སྐྱར་ཡབ་བླ་ཆེན་ཀུན་དགའ་རྒྱལ་མཚན་དང་། ཡུམ་མ་གཅིག་ནམ་མཁའ་རྒྱལ་མོ་གཉིས་ཀྱི་སྲས་སུ་འཁྲུངས། ཆུང་དུས་ནས་ཡི་གེའི་སྦྱོར་ཀློག་མཁྱེན། བརྟག་གཉིས་ཐུགས་སུ་ཆུད། འཁོར་ལོ་བདེ་མཆོག་གི་སྒྲུབ་ཐབས་དཀྱིལ་འཁོར་ཐུགས་སུ་ཆུད། ཀུན་གྱིས་འཇམ་དབྱངས་ཆེན་པོར་མཚན་གསོལ། ཡབ་བླ་ཆེན་ཀུན་དགའ་རྒྱལ་མཚན་དང་། ཐེག་ཆེན་ཆོས་རྗེ་ཀུན་དགའ་བཀྲ་ཤིས། མཁན་ཆེན་བསོད་ནམས་རྒྱལ་མཆོག སྦས་པའི་རྣལ་འབྱོར་པ་རྡོ་རྗེ་རྒྱལ་མཚན་སོགས་ལས་ཡབ་མེས་ཀྱི་ཆོས་མཁས་པར་སྦྱངས། ས་སྐྱའི་བསྟན་སྲུང་རྣམས་བྲན་དུ་འཁོད་ནུས་སྟོབས་མངའ། དོན་ལྔ་པ་རབ་བྱུང་བརྒྱད་པའི་ཆུ་འབྲུག་ཕྱི་ལོ་ ༡༤༧༢ ལོར་གཞི་ཐོག་བླ་བྲང་དུ་སྐུ་གཤེགས། ས་སྐྱའི་རིན་ཆེན་སྒང་བླ་བྲང་གི་གདན་རབས་གསུམ་པ་ཡིན།