64424

འཇམ་འབྲས་ (1)

Part of speech

མིང་ཚིག

Definition

སྡོང་པོ་ཐུང་བའི་ཤིང་རིགས་སྐྱེ་དངོས་ཤིག་སྟེ། སྡོང་པོ་ནག་ཅིང་འདྲོང་པོ་མེད་ལ་ཡལ་ག་མང་བ་དང༌། ཡལ་སྡོང་གཉིས་ཀར་ཚེར་རྣོན་ལེབ་ཅན་རིམ་བཞིན་སྐྱེ་བ། ལོ་མ་ལྗང་ལ་བྱང་སྒྲོའི་དབྱིབས་ཅན་མང་པོ་ཆ་དང་ཆར་བྱས་ནས་ཕན་ཚུན་ཁ་གཏད་པའི་ཚུལ་དུ་སྐྱེ་ཞིང༌། མེ་ཏོག་སེར་པོ་སྲན་མའི་མེ་ཏོག་གི་དབྱིབས་ལྟར་འཆར་བ། ཟེའུ་འབྲུ་སེར་སྐྱ་མང་ལ་རིང་བའི་རྩེ་འབུར་བ། གང་བུ་འཇོང་མཐུག་ལེབ་ཅིང་རིང་ཐུང་མཐེ་བོང་ཙམ་གྱི་ནང་འབྲས་བུ་སྔོ་སྐྱ་འཇམ་ལ་རིལ་བ་གསུམ་བཞི་ཙམ་ཡོད་པ་སྟེ། རྒྱ་ནག་གི་ས་ཁུལ་མང་པོ་དང་། བལ་ཡུལ། རྒྱ་གར་སོགས་ཀྱི་རི་ལྡེབས་དང༌། ལམ་གྱི་གཡས་གཡོན། ནགས་གསེབ་སོགས་སུ་སྐྱེ་བ་མང་བ་དང༌། བོད་ཟླ་དགུ་པ་ཙམ་སྟེ་འབྲས་བུ་སྨིན་མཚམས་གང་བུ་བཏུས་ཏེ་འབྲས་བུ་བླངས་ནས་སྐམ་དགོས་ཐོག འབྲས་བུ་བྱེ་མ་ཚ་པོའི་ནང་རྗེས་ཐོན་ཙམ་བརྔོས་རྗེས་སྨན་དུ་སྤྱོད་རྒྱུ། རོ་ཁ་ལ་བསྐ་བ། ཞུ་རྗེས་ཁ་བ། ནུས་པ་དྲོ་བ། ཕན་ནུས་མཁལ་མའི་ནད་དང༌། མཁལ་དྲོད་ཉམས་པ་སོགས་ལ་ཕན་པ་ཡིན།