64510

འཇིག་པའི་བསྐལ་བ་ (1)

Part of speech	མིང་ཚིག
Definition	མདོ། མངོན་པ། གནས་བསྐལ་རྫོགས་ནས་སྐྱེ་དགུའི་ཚེ་ལོ་བརྒྱད་ཁྲི་པར་གྱུར་པ་དང་། དམྱལ་བར་སེམས་ཅན་གསར་སྐྱེ་མེད་པ་དུས་མཉམ་པ་ནས་བཟུང་སྟེ་ངན་སོང་བ་རྙིང་པ་རྣམས་ལས་ཟད་ན་བདེ་འགྲོར་སྐྱེ་ལ། ལས་མ་ཟད་ན་འཇིག་རྟེན་གཞན་གྱི་ངན་སོང་དུ་སྐྱེ་སྟེ་སྟོང་པར་འགྱུར། དེ་ནས་འཛམ་བུ་གླིང་པའི་མི་འགའ་ཞིག་ལ་སློབ་དཔོན་མེད་པར་ཆོས་ཉིད་ཀྱིས་ཐོབ་པའི་བསམ་གཏན་དང་པོའི་ཏིང་ངེ་འཛིན་སྐྱེ་སྟེ། དེ་ལས་ལངས་ནས་ཀྱེ་མ་དབེན་པ་ལས་སྐྱེས་པའི་བདེ་བ་དང་དགའ་བ་ནི་བདེ་བའོ་ཞེས་སྨྲས་པ་དེ་ཐོས་ནས་གཞན་ཡང་བསམ་གཏན་དང་པོ་ལ་སྙོམས་པར་འཇུག་ཅིང་ཤི་འཕོས་ནས་ཚངས་པའི་འཇིག་རྟེན་དུ་སྐྱེའོ། །དེས་བསམ་གཏན་གཉིས་པ་བསྒོམ་པའམ། ས་ལས་སྔར་གྱི་བསམ་གཏན་དང་པོའི་རྗེས་སུ་གཉིས་པ་བསྒོམ་ནས་བསམ་གཏན་གཉིས་པར་སྐྱེ་བར་བཤད་དོ། །ཤར་དང་ནུབ་ཀྱང་དེ་བཞིན་ནོ། །སྒྲ་མི་སྙན་པ་ནི་ཆགས་བྲལ་གྱི་ལམ་གྱི་རྟེན་མ་ཡིན་པས་ཐོག་མར་འདོད་ལྷར་སྐྱེ་ཞིང་འདོད་ལྷ་རིས་དྲུག་གི་རྟེན་ལས་བསམ་གཏན་བསྒོམ་པས་བསམ་གཏན་དང་པོ་སྐྱེ་བ་དང་། དེར་ཆོས་ཉིད་ཀྱིས་གཉིས་པའི་ཏིང་ངེ་འཛིན་ཐོབ་ནས་གཉིས་པར་སྐྱེ་སྟེ་བཅུད་འཇིག་པ་ལ་བར་བསྐལ་བཅུ་དགུའོ། །དེ་ནས་ཉི་མ་བདུན་འཆར་བའི་ཚེ་མདོ་ལས་འབྱུང་བ་ལྟར། སྤྲིན་ལས་ཆར་མི་འབབ། ཉི་མ་འདིས་ཆུ་ལས་གྱུར་པའི་དངོས་པོ་དང་། འདི་ལས་གཞན་བཞི་འགྱུར་གྱི་ཚ་བ་གཉིས་པས་ཆུ་བྲན་དང་། ལྟེང་ཀ་དང་། ཆུང་ངུ་དང་། གསུམ་པས་ཆུ་བོ་ཆེན་པོ་བཞི་དང་། བཞི་པས་མཚོ་མ་དྲོས་པ་དང་། ལྔ་པས་ཕྱིའི་རྒྱ་མཚོ་ཆུ་བོ་ལ་ནུབ་ཀྱི་བར་དང་། དྲུག་པས་མ་ལུས་པར་བསྐམ་ཞིང་། རི་རབ་ལའང་དུ་བ་འཐུལ་བར་བྱེད་པ་དང་། བདུན་པས་མེ་འབར་ཏེ་འདོད་པའི་སྣོད་མེ་རྒྱུན་གཅིག་དང་། དེས་མེ་གཞན་བསྐྱེད་ནས་ཚངས་པའི་གནས་བསྲེགས་ཏེ་ཐལ་བའི་ལྷག་མ་ཙམ་ཡང་མ་ལུས་པར་ཟད་པའི་སྣོད་འཇིག་པ་ལ་བར་བསྐལ་གཅིག་གོ ། ཆུས་འཇིག་པའི་ཚེ་བསམ་གཏན་གཉིས་པ་བ་རྣམས་ལའང་ཆོས་ཉིད་ཀྱིས་བསམ་གཏན་གསུམ་པ་སྐྱེས་ཏེ་བསམ་གཏན་གསུམ་པར་སྐྱེ་བ་ནི་བཅུད་འཇིག་པའི་ཁོངས་སུ་གཏོགས་ལ། དེ་ནས་འོད་གསལ་ལས་བྱུང་བའི་ཆུས་སྣོད་ཐམས་ཅད་ལན་ཚྭ་ཆུར་བཅུག་པ་བཞིན་སྤྲུལ་པར་བྱེད་དོ། །རླུང་གིས་འཇིག་པའི་ཚེ་བསམ་གཏན་གསུམ་པ་བ་རྣམས་ལ་བསམ་གཏན་བཞི་པའི་ཏིང་ངེ་འཛིན་ཆོས་ཉིད་ཀྱིས་ཐོབ་སྟེ་བསམ་གཏན་བཞི་པར་སྐྱེས་པ་ནི་བཅུད་འཇིག་པའི་ཁོངས་སུ་གཏོགས་ལ། དེ་ནས་དགེ་རྒྱས་ལས་བྱུང་བའི་རླུང་གིས་སྣོད་ཀྱི་འཇིག་རྟེན་སྐམ་པའམ་འཐོར་བར་བྱེད་དེ། དུས་ནི་བར་གྱི་བསྐལ་བ་ཉི་ཤུར་མཉམ་མོ་ཞེས་ཀུན་མཁྱེན་གོ་རམས་པའི་ངོ་མཚར་སུམ་ལྡན་ལས་སོ། །
Domain	ཆོས་ལུགས།