64521

འཇིག་ཚོགས་ལ་ལྟ་བའི་རྒྱུ་དང་རྒྱུ་ཅན་གྱི་མུ་བཞི་ (1)

Part of speech	མིང་ཚིག
Definition	མདོ། མངོན་པ། དེ་ཡང་མུ་བཞི་བ་སྔོན་ལ་བཤད་ན་གོ་བདེ་བས་བདེན་པ་བཞི་ལས་འཇིག་ཚོགས་ལ་ལྟ་བའི་རྒྱུ་འབྲས་གཉིས་ཀ་མ་ཡིན་པ་ནི་འགོག་ལམ་གྱི་བདེན་པ་དང་། ནམ་མཁའ་དང་བརྟགས་མིན་གྱི་འགོག་པ་དང་། སྡུག་བསྔལ་གྱི་བདེན་པའི་སྒོམ་སྤང་ཉོན་མོངས་ཅན་མ་ཡིན་པ་རྣམས་ཏེ། དེ་དག་དང་འཇིག་ཚོགས་ལ་ལྟ་བ་ལ་ཕན་ཚུན་དུ་རྒྱུ་བཞི་དང་འབྲས་བུ་གཉིས་མི་སྲིད་པའི་ཕྱིར་རོ། །འཇིག་ཚོགས་ལ་ལྟ་བའི་རྒྱུ་ཡིན་ལ་འབྲས་བུ་མ་ཡིན་པའི་མུ་གཉིས་པ་ནི་མི་སྲིད་དེ། འཇིག་ཚོགས་ལ་ལྟ་བའི་རྒྱུ་རྣམ་པ་བཞི་ཡིན་པ་དེ་ནི་ཉོན་མོངས་ཅན་ཁོ་ནར་ངེས་ལ། ཉོན་མོངས་ཅན་ཐམས་ཅད་ཀྱང་འཇིག་ཚོགས་ལ་ལྟ་བ་ཀུན་འགྲོའི་རྒྱུ་ལས་སྐྱེ་བའི་ཕྱིར་རོ། །འཇིག་ཚོགས་ལ་ལྟ་བའི་འབྲས་བུ་ཡིན་ལ་རྒྱུ་མ་ཡིན་པ་ནི་སྡུག་བསྔལ་མཐོང་སྤང་གི་ཕྲ་རྒྱས་འཇིག་ཚོགས་ལ་ལྟ་བ་རང་ཉིད་དང་གཞན་རྣམ་པ་དགུ་ལས་མ་རིག་པ་མ་གཏོགས་པ་བརྒྱད་པོ་མ་འོངས་པ་མཚུངས་ལྡན་དང་བཅས་པ་རྣམས་དང་། ཀུན་འབྱུང་མཐོང་སྤང་ཀུན་འགྲོ་མ་འོངས་པ་མཚུངས་ལྡན་དང་བཅས་པ། ཀུན་འབྱུང་མཐོང་སྤང་ཀུན་འགྲོ་མ་ཡིན་པ་མཚུངས་ལྡན་དང་བཅས་པ་དུས་གསུམ་པ་རྣམས་དང་། འགོག་ལམ་མཐོང་སྤང་དང་སྒོམ་སྤང་ཉོན་མོངས་ཅན་རྣམས་དང་། འཇིག་ཚོགས་ལ་ལྟ་བ་ལ་སོགས་པ་ཉོན་མོངས་ཅན་ཐམས་ཅད་ཀྱི་ཐོབ་པ་རྣམས་དང་། འཇིག་ཚོགས་ལ་ལྟ་བ་དང་དེ་དང་མཚུངས་ལྡན་རྣམས་ཀྱི་མཚན་ཉིད་རྣམས་མ་གཏོགས་པ་ཉོན་མོངས་ཅན་གཞན་གྱི་མཚན་ཉིད་ཐམས་ཅད་ཀྱང་འཇིག་ཚོགས་ལ་ལྟ་བ་འདས་ད་ལྟར་གྱི་སྐལ་མཉམ་ཀུན་འགྲོ་ཅི་རིགས་པའི་འབྲས་བུ་ཡིན་ལ་རྒྱུ་མ་ཡིན་པའོ། །རྒྱུ་འབྲས་གཉིས་ཀ་ཡིན་པ་ནི་སྡུག་བསྔལ་མཐོང་སྤང་ཕྲ་རྒྱས་བཅུ་པོ་འདས་ད་ལྟར་བ་མཚུངས་ལྡན་དང་བཅས་པ་དང་། རྩ་ཉོན་ལས་མ་རིག་པ་དང་དེ་ལས་གཞན་པའི་སེམས་སེམས་བྱུང་འཇིག་ཚོགས་ལ་ལྟ་བ་དང་མཚུངས་ལྡན་དུས་གསུམ་པ་རྣམས་དང་། ཀུན་འབྱུང་མཐོང་སྤང་ཀུན་འགྲོའི་ཕྱོགས་འདས་ད་ལྟར་བའང་འཇིག་ཚོགས་ལ་ལྟ་བའི་ཀུན་འགྲོའི་རྒྱུ་ལས་འབྱུང་བའི་ཕྱིར་དང་། འཇིག་ཚོགས་ལ་ལྟ་བའང་དེ་དག་གི་ཀུན་འགྲོའི་རྒྱུ་ལས་འབྱུང་བའི་ཕྱིར་གཉིས་ཀ་ཡིན་པའི་མུ་ཡིན་ནོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།