64577

འཇིག་རྟེན་གྱི་ཁམས་འཇིག་པའི་སྒྲ་དབྱངས་ཆེན་པོ་བཞི་ (1)

Part of speech	མིང་ཚིག
Definition	ཕལ་ཆེན་ལེའུ་ཞེ་གསུམ་པ་དེ་བཞིན་གཤེགས་པ་སྐྱེ་བ་འབྱུང་བ་བསྟན་པའི་ལེའུ་ལས་བྱུང་བ་སྟེ། ༡ འཇིག་རྟེན་གྱི་ཁམས་འཇིག་པར་འགྱུར་བའི་ཚེ། སྒྲ་ཆེན་པོའི་དབྱངས་ཆེན་པོ་ཐོག་མ་རྣམ་པ་འདི་ལྟ་བུ་འབྱུང་སྟེ། བསམ་གཏན་དང་པོ་ནི་འདོད་པ་དང༌། གནོད་སེམས་མེད་པས་ཤིན་ཏུ་བདེ་བ་སྟེ། འདོད་པའི་ཁམས་ལས་ཡང་དག་པར་འདའ་བའི་རྒྱུར་འགྱུར་རོ། །སྒྲ་དེ་ཐོས་ནས་སེམས་ཅན་རྣམས་བསམ་གཏན་དང་པོ་བསྒྲུབས་ཏེ་། འདོད་པའི་ཁམས་ལས་འདས་ནས། ཚངས་པའི་འཇིག་རྟེན་དུ་སྐྱེའོ། ། ༢ དེ་ནས་ཆོས་ཉིད་ཐོབ་པས། སྒྲ་ཆེན་པོའི་དབྱངས་ཆེན་པོ་གཉིས་པ་འབྱུང་སྟེ། བསམ་གཏན་གཉིས་པ་འདི་ནི་རྣམ་པར་རྟོག་པ་མེད་ཅིང༌། རྣམ་པར་དཔྱོད་པ་མེད་པས་ཤིན་ཏུ་བདེ་བ་སྟེ། ཚངས་རིས་ཀྱི་ལྷ་ལས་ཡང་དག་པར་འདའ་བའི་རྒྱུར་འགྱུར་རོ། །སྒྲ་དེ་ཐོས་ནས་ཀྱང་སེམས་ཅན་རྣམས་བསམ་གཏན་གཉིས་པ་བསྒྲུབས་ཏེ། ཚངས་པའི་འཇིག་རྟེན་ལས་འདས་ནས་གྱ་ནོམ་སྣང་བའི་ལྷ་དང་སྐལ་བ་མཉམ་པར་སྐྱེའོ། ། ༣ དེ་ནས་ཆོས་ཉིད་རབ་ཏུ་ཐོབ་པས་སྒྲ་ཆེན་པོའི་དབྱངས་ཆེན་པོ་གསུམ་པ་འབྱུང་སྟེ། བསམ་གཏན་གསུམ་པ་འདི་ནི་དགའ་བ་མེད་པས་ཤིན་ཏུ་བདེ་བ་སྟེ། གྱ་ནོམ་སྣང་བའི་ལྷ་ལས་ཡང་དག་པར་འདའ་བའི་རྒྱུར་འགྱུར་རོ། །སྒྲ་དེ་ཐོས་ནས་ཀྱང་སེམས་ཅན་རྣམས་བསམ་གཏན་གསུམ་པ་བསྒྲུབས་ཏེ། གྱ་ནོམ་སྣང་བའི་ལྷ་ལས་འདས་ནས། དགེ་རྒྱས་ཀྱི་ལྷ་དང་སྐལ་བ་མཉམ་པར་སྐྱེའོ། ། ༤ དེ་ནས་ཆོས་ཉིད་རབ་ཏུ་ཐོབ་པས་སྒྲ་ཆེན་པོའི་དབྱངས་ཆེན་པོ་བཞི་པ་འབྱུང་སྟེ། བསམ་གཏན་བཞི་པ་འདི་ནི་ཤིན་ཏུ་ཞི་བ་སྟེ། དགེ་རྒྱས་ཀྱི་ལྷ་ལས་ཡང་དག་པར་འདའ་བའི་རྒྱུར་འགྱུར་རོ། །སྒྲ་དེ་ཐོས་ནས་ཀྱང་སེམས་ཅན་རྣམས་བསམ་གཏན་བཞི་པ་བསྒྲུབས་ཏེ། དགེ་རྒྱས་ཀྱི་ལྷ་ལས་འདས་ནས། འབྲས་བུ་ཆེ་བའི་ལྷ་དང་སྐལ་བ་མཉམ་པར་སྐྱེའོ། །དེ་ལྟར་འཇིག་རྟེན་གྱི་ཁམས་འཇིག་པར་འགྱུར་བའི་ཚེ། ཆོས་ཉིད་རབ་ཏུ་ཐོབ་པས་སྒྲ་ཆེན་པོའི་དབྱངས་ཆེན་པོ་དེ་བཞི་འབྱུང་བར་འགྱུར་ཏེ། དེ་ལ་བདག་པོའམ་རྗོད་པར་བྱེད་པ་གང་ཡང་མེད་མོད་ཀྱི། དེ་ལྟར་ཚད་མེད་པའི་ཡོན་ཏན་དང་ལྡན་པའི་སྒྲ་རྣམས་འབྱུང་བར་འགྱུར་རོ། །
Domain	ཆོས་ལུགས།