64635

འཇིག་རྟེན་དཔལ་མགོན་གྱི་ཆོ་ག་ (1)

Part of speech	མིང་ཚིག
Definition	བོན། རིན་ཆེན་སྒྲོན་མ་འཁོར་བ་དོང་སྤྲུག་གི་མདོ་ལས་ལེའུ་བདུན་པ་ནི་འདི་ལྟར་ཏེ། རྟག་གཟིགས་འོལ་མོ་ལུང་རིང་གི་ནུབ་ཕྱོགས་སུ། མུ་ཁྱུད་བདལ་བའི་རྒྱ་མཚོ། གསས་ཁང་དཀར་ནག་བཀྲ་གསལ་ཞེས་པའི་གནས་མཆོག་དེར། བསྟན་པ་རྗེས་བཞག་གི་དུས་སུ། སྟོན་པ་གཤེན་རབ་མི་བོ་མཆོག་ལ་ས་ཡི་ལྷ་མོ་བརྟན་མས་ཕྱག་ན་གསེར་བུམ་ཐོགས་ཏེ། པུས་བཙུགས་ཐལ་མོ་སྦྱར་ནས་བདག་ཅག་འགྲོ་ལ་ཕན་པའི་བོན་ཅིག་གསུང་པར་ཞུ་བས། སྟོན་པ་ཐུགས་རྗེ་ཅན་གྱིས། ཕྱི་རབས་གང་ཟག་རྣམས་ལ་ཚེ་དང་བསོད་ནམས་འཕེལ་ཞིང་། རིགས་རྒྱུད་དཔལ་འབྱོར་ཕུན་སུམ་ཚོགས་ཕྱིར་དུ། མཆོད་སྦྱིན་གྱི་ཆོ་ག་འདི་གསུངས་ཞེས་སོ། །ཆོ་ག་འདིའི་མཆོད་རྫས་ནི། རིན་ཆེན་གཙང་སྣོད་དུ་དཀར་མངར་རིགས་བཤམས་ཞིང་། དཀར་ཆབ་འོ་མ་ལ་བཟང་དྲུག་སྨན་སྣ་སྦྱར་ནས་མཆོད་གཏོར་བྱའོ། །
Domain	ཆོས་ལུགས།