64680

འཇིག་རྟེན་པའི་ཡོན་ཏན་བཅུ་གསུམ་ (1)

Part of speech	མིང་ཚིག
Definition	འཕགས་པ་དམ་པའི་ཆོས་དྲན་པ་ཉེ་བར་གཞག་པ་ལས་བྱུང་བ་སྟེ། ༡ གང་དུ་འདི་ལ་བུག་རྡོལ་བྱུང་བར་གྱུར་པ་ན་དེའི་ཚེ་འདི་རབ་ཏུ་འགེབས་པར་བྱེད་པ་ཡིན་ཏེ། དགའ་བར་སྤྱད་པ་ཐམས་ཅད་དང་མཆོག་ཏུ་རྒུད་པའི་དོན་དག་ལའོ། །དེ་ཅིའི་ཕྱིར་བྱེད་པ་ཡིན་ཞེ་ན། གྲོགས་པ་གང་ཡིན་པའི་གྲོགས་པོ་གཞན་ཡང་དེའི་གྲོགས་པོར་འགྱུར་ཏེ། དེས་ཀྱང་ངའི་གྲོགས་པོ་འདིའི་གྲོགས་པོ་ཡིན་ཞེས་བྱས་ནས་དེ་དང་ལྷན་ཅིག་ཏུ་མཛའ་བར་འགྱུར་རོ། ། ༢ ཁྱིམ་ན་ནོར་གྱི་རིགས་གང་དག་ཡོད་པ་འདི་ལ་ཤེས་པར་བྱེད་དོ། ། ༣ གང་དང་གང་ཡང་ཕན་པའི་ལྷག་མ་གཞན་དུ་གྱུར་པའང་དེ་དག་རྣམས་འདིས་བདག་ཉིད་ཐམས་ཅད་ཀྱིས་བྱེད་དོ། ། ༤ རྣམ་པ་ཐམས་ཅད་དང་བདག་ཉིད་ཐམས་ཅད་ཀྱིས་ཀྱང་སྟེན་པར་བྱེད་དོ། ། ༥ གལ་ཏེའང་འདི་གང་དག་གིས་དཀའ་བར་གྱུར་པ་ཐམས་ཅད་དུ་གྱུར་པ་དང་སྲོག་འཆད་པར་གྱུར་ཀྱང་དེས་བརྒྱ་ལའང་ཡོངས་སུ་མི་གཏོང་ངོ་། ། ༦ འདིའང་ཇི་ལྟ་ཇི་ལྟར་དོན་གྱི་རིགས་རྣམས་ལ་བཟོད་པར་འགྱུར་བ་དེ་ལྟར་བྱེད་དོ། ། ༧ གང་ཡང་འདིའི་ཁྱིམ་ན་ཅུང་ཟད་ཡོད་པ་དེ་རྣམས་ཐམས་ཅད་བསྔོ་བར་བྱེད་དོ། །༨ གང་གི་ཚེ་འདི་ཕུན་སུམ་ཚོགས་པར་གྱུར་པ་དེའི་ཚེ་ཤིན་ཏུ་དགའ་བར་འགྱུར་རོ། ། ༩ གང་གི་ཚེ་འདི་ལ་སྡུག་བསྔལ་དག་བྱུང་བར་གྱུར་པ་དེའི་ཚེ་མཉམ་པོར་སྡུག་བསྔལ་བར་འགྱུར་རོ། ། ༡༠ ཐམས་ཅད་ནས་ཁྲོས་པ་སྐྱེས་པར་གྱུར་ཀྱང་རྣམ་པར་འགྱུར་བར་མི་འགྱུར་རོ། ། ༡༡ དེ་དང་ཡང་གང་ལྷན་ཅིག་ཏུ་གྱུར་པ་དེ་དག་བཟའ་ཟ་བས་ཀྱང་དེ་དང་ལྷན་ཅིག་ཏུ་དགའ་བར་འགྱུར་རོ། ། ༡༢ གང་འདིའི་ཁྱིམ་ན་ཡོད་པར་གྱུར་པ་དེ་དག་ཀྱང་དབང་པོ་ལ་གནོད་པ་མེད་པར་དོན་དུ་གཉེར་བར་བྱེད་པ་དང་། གང་ཡང་བདག་རང་གི་ཁྱིམ་ན་ཡོད་པ་དེ་ཐམས་ཅད་སྐྱོ་བ་མེད་པར་ཡང་འདིའི་སྟེར་བར་བྱེད་དོ། ། ༡༣ གང་ཡང་ཅུང་ཟད་ཁྱིམ་ན་ཡོད་པ་དེ་ཐམས་ཅད་གྲོགས་པོ་ལ་རྗོད་པར་བྱེད་དོ། །རང་གི་གཏམ་རྣམས་དག་ཀྱང་རང་གིས་རྗོད་པར་བྱེད་དོ། །རྣམ་པ་བཅུ་གསུམ་པོ་དེ་དག་རྣམས་དང་ལྡན་པ་ནི། གྲོགས་པོ་ཡིན་ནོ། །
Domain	ཆོས་ལུགས།