64882

འཇིགས་མེད་རིགས་པའི་བློ་གྲོས་ (1)

Part of speech

མིང་ཚིག

Definition

འདི་བའི་མཚན་གཞན་ལ་ཚེ་ཏན་ཞབས་དྲུང་དབྱངས་ལྡན་རིག་པའི་འདོད་འཇོའང་ཞུ། ཁོང་ནི་རབ་བྱུང་བཅོ་ལྔ་བའི་ལྕགས་ཁྱི་ཕྱི་ལོ་ ༡༩༡༠ ལོར་མདོ་སྨད་ཡ་རྫི་རྫོང་ཁོངས་སུ་སྐུ་འཁྲུངས། ཆུང་ངུའི་དུས་ནས་ཚེ་ཏན་མཁན་པོ་གོང་མའི་ཡང་སྲིད་དུ་ངོས་འཛིན་གྱིས་མར་ནང་འཇིགས་མེད་དམ་ཆོས་རྒྱ་མཚོ་སོགས་བསྟེན་ཏེ་གཞུང་ལུགས་རབ་འབྱམས་ལ་མཁས་པར་སྦྱངས། ཕྱི་ལོ་ ༡༩༥༨ ལོ་ནས་ལོ་མང་རིང་བཙོན་དུ་བཅུག་ནས་མནར་གཅོད་ཚད་མེད་མྱངས། མདོ་སྔགས་རིག་གནས་དང་བཅས་པར་མཁྱེན་རྒྱ་ཡངས་པས་གསུང་རྩོམ་ལམ་རིམ་བློ་སྦྱོང་གི་སྐོར་དང། རྣམ་ཐར། ལོ་རྒྱུས། རྩིས། སྙན་ངག་སུམ་རྟགས། ཡིག་གཟུགས་ཀྱི་སྐོར་སོགས་བདེ་ཆེན་བཅུ་གསུམ་ཙམ་བཞུགས། བོད་ཀྱི་རིགས་གནས་སྣུམ་ཟད་མར་མེ་ལྟ་བུར་གྱུར་བའི་སྐབས། སློབ་གྲྭ་ཆེ་འབྲིང་ཆུང་གསུམ་དང་དགོན་སྡེ་མང་པོར་ཕེབས་ཏེ་རིག་གཞུང་རྒྱུན་འཇིག་ཆེད་སློབ་ཁྲིད་དང་ལམ་སྟོན་གནང། ནུབ་བྱང་མི་རིགས་སློབ་གྲྭ་ཆེན་མོའི་སློབ་དཔོན་ཆེན་མོའི་མཚན་གནས་བཞེས་པ་སོགས་བོད་ཀྱི་ཆོས་རིག་བསྐྱར་སྤེལ་ཐད་མཛད་རྗེས་བླ་ན་མཐོ་བའི་སྐྱེས་བུ་ཞིག་ཡིན། རབ་བྱུང་བཅུ་དྲུག་པའི་ཤིང་གླང་ཕྱི་ལོ་ ༡༩༨༥ ལོ་སྐུ་གཤེགས།