65004

འཇུག་ཡུལ་ཐེག་ཆེན་གྱི་ངོ་བོ་ (1)

Part of speech	མིང་ཚིག
Definition	མདོ། ཕར་ཕྱིན། ངོ་བོ་ནི། དམིགས་པ་ཆེ་བ་སོགས་ཁྱད་པར་བདུན་དང་ལྡན་པ་སྟེ། མདོ་སྡེའི་རྒྱན་ལས། དམིགས་པ་ཆེ་བ་ཉིད་དང་ནི། །དེ་བཞིན་སྒྲུབ་པ་གཉིས་དག་དང་། །ཐབས་ལ་མཁས་པར་གྱུར་པ་དང་། །ཡེ་ཤེས་བརྩོན་འགྲུས་རྩོམ་པ་དང་། །ཡང་དག་འགྲུབ་པ་ཆེན་པོ་དང་། །སངས་རྒྱས་ཕྲིན་ལས་ཆེན་པོ་སྟེ། །ཆེན་པོ་འདི་དང་ལྡན་པའི་ཕྱིར། །ཐེག་ཆེན་ཞེས་ནི་མངོན་པར་བརྗོད། །ཅེས་པའོ། །དབྱེ་བ་ལ། འདིས་བགྲོད་པ་རྒྱུའི་ཐེག་ཆེན་དང། འདིར་བགྲོད་པ་འབྲས་བུའི་ཐེག་ཆེན་ནོ། །དང་པོ་ལ། འཇིག་རྟེན་པའི་དག་པ་ཐོབ་བྱེད་དང་། འཇིག་རྟེན་ལས་འདས་པའི་དག་པ་ཐོབ་བྱེད་དང་། གཉིས་ཀ་ཁྱད་པར་དུ་བྱེད་པའི་ལམ་མོ། །དང་པོ་ནི། བསམ་གཏན་གཟུགས་མེད། གཉིས་པ་ལ་རང་དོན། གཞན་དོན་གཉིས་ལས། དང་པོ་ལ། སྤྱོད་པའི་ངོ་བོ་སྦྱིན་སོགས་དང་། དྲི་མ་སེལ་བྱེད་གཉེན་པོའི་ལམ་མོ། །གཉིས་པ་ལ། གཞན་དོན་གྱི་ངོ་བོ་བྱམས་སོགས་བཞི། འཆིང་བ་གཅོད་པར་དམིགས་མེད་ཀྱི་ཤེས་རབ། གསུམ་པ་ཁྱད་པར་དུ་བྱེད་པའི་ལམ་ལ། རྟོགས་པའི་ཁྱད་པར་འཁོར་གསུམ་དག་པ། དོན་དུ་གཉེར་བའི་ཁྱད་པར་ཆེད་དུ་བྱ་བ། མཐུའི་ཁྱད་པར་མངོན་པར་ཤེས་པའོ། །འབྲས་བུ་(ཐེག་ཆེན)ནི་རྣམ་མཁྱེན་ནོ། །ཞེས་ཀུན་མཁྱེན་རོང་སྟོན་གྱི་རྣམ་བཤད་ཚིག་དོན་རབ་གསལ་ལས་སོ། །
Domain	ཆོས་ལུགས།