65123

འཐག་ཏུ་འཇུག་པའི་སྤང་ལྟུང་ (1)

Part of speech	མིང་ཚིག
Definition	མདོ། འདུལ་བ། སྤང་ལྟུང་སུམ་ཅུའི་ནང་གསེས་ཤིག་སྟེ། གླེང་གཞི་ནི་མཉན་ཡོད་དུ་ཉེ་དགས་ཐ་ག་པ་ལ་རྔན་པ་མེད་པར་ཐགས་འཐག་ཏུ་བཅུག་པ་ལས་སྤང་བའི་ལྟུང་བྱེད་དུ་བཅས་སོ། །དགག་བྱ་ནི་ཐ་ག་པའི་ལོངས་སྤྱོད་ལ་གནོད་པ་དང་། རང་འདོད་པ་ཆེས་པའོ། །ངོ་ཏི་ནི་བཅས་ལྡན་དགེ་སློང་གིས་ཐ་ག་པ་ཉེ་དུ་མ་ཡིན་པ་ལ་རྔན་པ་མེད་པར་གོས་འཐག་ཏུ་བཅུག་སྟེ། ཁྲུ་གང་ཡན་ཆད་བཏགས་ཟིན་ཞིང་རྔན་པ་ལ་ཐོབ་བློ་སྐྱེས་པ་ལས་གྱུར་པའི་ལྟུང་བ་དངོས་གཞིའོ། །ཞེས་ཀུན་མཁྱེན་མཚོ་སྣ་བའི་མདོ་རྩའི་རྣམ་བཤད་ཉི་མའི་འོད་ཟེར་ལས་སོ། ། འདི་ལ་བཞི་ལས། གཞི་ལ་ཡུལ་ཐ་ག་པ། ཁྱིམ་པ་ཆོས་དྲུག་ལྡན་ནོ། །གླ་བརྔན་ཅི་བདེར་སྟོབ་པ་པོ་མ་ཡིན་པའོ། །དངོས་པོ་གོས་ཀྱི་རྒྱུ་རུང་བ་ཚད་ལྡན་རང་དབང་བའོ། །ཀུན་སློང་རྐུ་སེམས་ཡིད་གཅུགས་ལས་གཞན་པ་གླ་བརྔན་མེད་པར་འཐག་ཏུ་འཇུག་པར་འདོད་པའོ། །སྦྱོར་བ་རང་ངམ་བསྐོས་པས་ངག་བཞི་ལྡན་ནོ། །མཐར་ཐུག་གོས་གྲུབ་པའོ། །ཞེས་ཀུན་མཁྱེན་གོ་རམས་པའི་འདུལ་བའི་སྤྱི་དོན་ལས་སོ། ། དགེ་སློང་གིས་ཁྱིམ་པ་ཉེ་དུ་མ་ཡིན་པ་ལ་གླ་རྔན་མ་སྦྱིན་པར་ཆོས་གོས་ཀྱི་རྒྱུ་རས་ཡུག་སོགས་འཐག་དུ་བཅུག་ནས་ལག་ཏུ་ཐོབ་པའི་བཅས་པའི་ཁ་མ་ཐོ་བ་དེ་ཡིན་ཏེ། རིན་མེད་པ་བསྒོ་བས་སམ། གཞན་གྱིས་ཀྱང་འཐག་དུ་བཅུག་ནའོ། །ཞེས་དང་། ཐགས་མཁན་ཉེ་དུ་མ་ཡིན་ལ། །གླ་རྔན་མེད་པར་འཐག་འཇུག་ན། །ལྟུང་བཅས་ལྟུང་བ་མེད་པ་ནི། །ཉེ་དུ་ཡིན་ནམ་གླ་བྱིན་ནའོ། །ཞེས་པ་ནས་གྲུབ་ན་ལྟུང་། ཞེས་གསུངས་སོ། །འདི་ཉེ་དགས་ཐགས་མཁན་སྤྱི་ཐེར་བ་ལ་སྙན་ཚིག་གིས་བསྟོད་ནས་རས་འཐག་ཏུ་བཅུག་སྟེ་གླ་རྔན་མ་བྱིན་པ་དང་གཞན་མ་དད་པ་ལ་བརྟེན་ནས་བཅས་སོ། །ཞེས་པཎ་ཆེན་ངག་ཆོས་ཀྱི་འདུལ་བའི་སྤྱི་དོན་ཐུབ་བསྟན་ཉིན་བྱེད་ལས་སོ། །
Domain	ཆོས་ལུགས།