65548

འདུ་བྱེད་ཀྱི་ཕུང་པོ་ (1)

Part of speech	མིང་ཚིག
Definition	མདོ། མངོན་པ། འདུ་བྱེད་ཀྱི་ཕུང་པོའི་མཚན་ཉིད། མཛོད་ལས། ཕུང་པོ་བཞི་ལས་དོན་གཞན་དུ་གྱུར་པའི་འདུས་བྱས་ཞེས་གསུངས་པ་ནི་ལྡན་མིན་འདུ་བྱེད་རྫས་སུ་གྲུབ་ཅིང་རང་གང་ལ་ལྡན་པའི་གནས་སྐབས་ཅན་དེ་ལས་རྫས་གཞན་དུ་འདོད་པའི་ལུགས་སོ། །ཀུན་བཏུས་ལྟར་ན་སེམས་ཡུལ་ལ་མངོན་པར་འདུ་བྱེེད་པ་གཙོ་བོར་གྱུར་པའི་སེམས་བྱུང་དང་གཟུགས་དང་སེམས་དང་སེམས་ལས་བྱུང་བའི་གནས་སྐབས་ལ་བཏགས་པའི་བཏགས་ཡོད་གང་རུང་གིས་བསྡུས་པའི་འདུ་བྱེད་དུ་མ་སྤུངས་པའོ། །སེམས་ཡུལ་ལ་མངོན་པར་འདུ་བྱེད་པ་ནི་སེམས་པ་ཡིན་ལ། དེ་ཉིད་འདུ་བྱེད་ཀྱི་ཕུང་པོའི་གཙོ་བོར་བཤད་དེ། དེའི་དབང་གིས་སེམས་དགེ་བ་དང་། ཉོན་མོངས་ཅན་དང། གནས་སྐབས་ཀྱི་བྱེ་བྲག་ལས་མངོན་པར་འདུ་བྱེད་པས། དགེ་བ་ལ་མངོན་པར་འཇུག་པའི་ཚེ་སེམས་བྱུང་དགེ་བ་དང། ཉོན་མོངས་ཅན་ལ་མངོན་པར་འདུ་བྱེད་པའི་ཚེ་སེམས་བྱུང་ཉོན་མོངས་ཅན་དང། གནས་སྐབས་ཀྱི་བྱེ་བྲག་ལ་མངོན་པར་འདུ་བྱེད་པའི་ཚེ་སེམས་བྱུང་མ་སྒྲིབ་ལུང་མ་བསྟན་འབྱུང་ལ། འདུ་བྱེད་པའི་གནས་སྐབས་ཉིད་ལ་ལྡན་མིན་འདུ་བྱེད་དུ་བཞག་པའི་ཕྱིར་རོ། །ཞེས་ཀུན་མཁྱེན་གོ་རམས་པའི་ཇི་སྙེད་ཤེས་བྱའི་སྒོ་འབྱེད་ལས་སོ། །འདུ་བྱེད་ནི་གཟུགས་དང་ཚོར་བ་དང་འདུ་ཤེས་དང་རྣམ་ཤེས་ཀྱི་ཕུང་པོ་བཞི་ལས་གཞན་པའི་འདུས་བྱས་ཏེ། དབྱེ་བ་ནི་ཚོར་བ་དང་འདུ་ཤེས་ལས་གཞན་པའི་སེམས་བྱུང་རྣམས་ནི་མཚུངས་ལྡན་དང། ཐོབ་པ་ལ་སོགས་པ་རྣམས་ནི་མི་ལྡན་པའི་འདུ་བྱེད་དེ་གཉིས་སོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།