65722

འདུལ་ནག་པ་དཔལ་ལྡན་བཟང་པོ་ (1)

Part of speech

མིང་ཚིག

Definition

རབ་བྱུང་རབ་བྱུང་བདུན་པའི་ཆུ་རྟ་ཕྱི་ལོ་ ༡༤༠༢ ལོར་འཁྲུངས། སྐུ་གཞོན་དུས་སྣར་ཐང་གྲུབ་པའི་ཤེས་རབ་ལས་རབ་བྱུང་བསྒྲུབས། བཀའ་གདམས་ཀྱི་ཆོས་མང་དུ་གསན། ལོ་ཙཱ་བ་སམ་གྷ་ཤྲི་ལས་སྒྲ་དང་། སྙན་ངག་མངོན་བརྗོད། རྩིས་སོགས་ཐ་སྙད་ཀྱི་གཙུག་ལག་ལ་སྦྱངས། རྗེ་དགེ་འདུན་གྲུབ་པ་ལས་སྡེ་སྣོད་ཀྱི་ཆོས་དང་། རྗེ་ཤེས་རབ་སེང་གེ་ལས་དཔལ་གསང་བ་འདུས་པའི་རྒྱུད་འགྲེལ་སོགས་གསན། མཁས་གྲུབ་ཆོས་རྗེ་སོགས་བླ་མ་མང་པོ་བསྟེན། ལུང་མངོན་རྟོགས་ལ་མངའ་བརྙེས། གདན་ས་གོང་འོག་གཉིས་སུ་ཡང་ཆོས་གཞིས་མཛད། དཔལ་གསང་འདུས་རྒྱུད་འགྲེལ་གྱི་འཆད་ཉན་བཙུགས། དགའ་ལྡན་ནས་རྗེའི་དྲུང་ནས་དུས་འཁོར་འགྲེལ་ཆེན་གྱི་བཤད་པ་སོགས་གསན། དོན་གཉིས་པ་རབ་བྱུང་བརྒྱད་པའི་ཆུ་སྦྲུལ་ཕྱི་ལོ་ ༡༤༧༣ ལོར་འབྲི་མཚམས་སུ་སྐུ་གཤེགས། གསུང་རྩོམ་ནི་དཔལ་གསང་བ་འདུས་པའི་རྩ་རྒྱུད་ལེའུ་བཅུ་བདུན་པ་སོ་སོའི་རྡོ་རྗེའི་ཚིག་རྐང་ཟབ་མོའི་ལམ་འཁྲུགས་པ་རྣམས་སྒྲུབ་པ་པོའི་ཉམས་ལེན་གྱི་རིམ་པར་བསྒྲིགས་པ་ལེའུ་སོ་སོའི་དཀའ་གནད་མཐའ་གཅོད་པའི་ཁུངས་དང་བཅས་རིན་པོ་ཆེའི་གཏེར་མཛོད་ཅེས་པའི་ཊཱིཀ་ཆེན་བཅས་བཞུགས། རེ་དགུ་པ་ལྕགས་སྟག་ཕྱི་ལོ་ ༡༤༧༠ ལོར་སྣང་ཐང་ཆོས་སྡེའི་ཁྲིར་བྱོན། ལོ་གསུམ་རིང་གདན་ས་བསྐྱངས། གཙང་དུ་སྲད་རྒྱུད་པའི་བླ་རབས་གཉིས་པ་དང་། སྣང་ཐང་དགོན་པའི་གདན་རབས་བཅོ་བརྒྱད་པ་ཡིན།