65738

འདུལ་བ་དཀའ་ཐུབ་ཐར་པའི་ལས་ལྔ་ (1)

Part of speech	མིང་ཚིག
Definition	མདོ། འདུལ་བ། བོན། དང་པོ་བྱ་བ་བྱེད་འཇུག་གི་དཀའ་ཐུབ། གཉིས་པ་གནས་ཀྱི་དཀབ་ཐུབ། གསུམ་པ་དུས་ཀྱི་དཀའ་ཐུབ། བཞི་པ་བཟའ་བཏུང་གི་དཀའ་ཐུབ། ལྔ་པ་གཉེན་པོ་དུག་གི་དཀའ་ཐུབ་དང་ལྔ་སྟེ། འདུལ་བ་དུས་བརྩན་སྡོམ་བྱེད་རྒྱུད་ལས། དེ་ལ་དང་པོ་བྱ་བ་བྱེད་འཇུག་གི་དཀའ་ཐུབ་ནི། གཤེན་རབ་ཁྱིམ་སྤངས་རབ་བྱུང་བཞིན། སྐྲ་བཞར་ལུས་ཚུལ་ལྡན་པར་བྱ། གནས་ཀྱང་མེ་ཏོག་གླིང་ལ་བགྲོད། ཆུ་འཐུང་རྡོ་ཟ་ཕྱི་དགོང་སོངས། སྟོད་སྣམ་སྨད་སྣམ་བཟང་ལོག་གོན། མོ་རིགས་ཀུན་ལ་རེག་སྤང་ཡིད་མི་འཕྱར། གཉིས་པ་གནས་ཀྱི་དཀའ་ཐུབ་དབེན་སར་ནི། མཚོ་འགྲམ་ཆུ་གླིང་མེ་ཏོག་གླིང། གཡའ་གངས་རི་ཁྲོད་དབེན་ལ་བརྟེན། བྲག་གམ་སྤང་རི་ཤིང་དྲུང་བགྲོད། བསིལ་གྲང་སྣང་གཡེལ་ཆེ་བའི་ཡུལ། གྲོང་ཡུལ་གནས་ལ་གཉེན་པོས་གཅུན། འདུལ་བ་གཉན་པོ་བོན་ཀུན་སྲོག འདུལ་བ་ངོ་ཚ་ཆས་དང་གྲོགས་ཀྱིས་སྲུངས། གསུམ་པ་དུས་ཀྱི་དཀའ་ཐུབ་ཚད་ཟིན་ནི། ཞག་དུས་ཟླ་བ་ལོར་འབྱུང་དུས། ཕྱེད་གོང་ལས་སོགས་རྒྱང་གྲགས་དཔག་ཚད་དང་། དབྱུག་དགུ་ཆུ་ཚད་དུས་མི་འདའ། ཚེ་ལྷ་སུམ་ཅུ་བརྒྱ་དང་སྟོང་མཚན་མདོ། སྙིང་པོ་རྣམ་གསུམ་ཕྱག་དང་བསྐོར་བ་དུས་མི་འདའ། ན་སོ་ཡུལ་གྲོགས་སོ་སོར་ཐར་པ་དང་། ན་རྒས་འགྲོན་དང་ལས་མཐའ་རྩིས་མི་འདའ། མཐར་ཕྱིན་མཁན་སློབ་བྱེད་པར་རང་ཚད་དུས་ལ་བརྟག གནང་བཀའ་གཏང་སྲུང་ངོ་སྲུང་དུས་མི་འགའ། ཚུལ་དྲུག་གོན་ཏོར་དུས་ཚོད་ཧོས། བཞི་པ་བཟའ་བཏུང་དཀའ་ཐུབ་སྤང་བླང་ནི། ཆུ་འཐུང་རྡོ་ཟ་རབ་ཏུ་བསྔགས། འབྲས་རིགས་ནས་སྲན་གྲོ་ཡི་ཕྱེ། ཟན་དུས་མི་བརྗིད་བྲུལ་བུ་ཧོས། དུས་ཚོད་དུས་བཟའ་བ་གནང་བའི་རིགས། མ་གནང་བཀག་པ་ཐ་དད་དུག་ལྟར་སྤང། ལྔ་པ་གཉེན་པོ་དུག་གི་དཀའ་ཐུབ་ནི། ཕྱི་ནང་ཚུལ་བཅོས་མ་མཐོང་ངེ་། ངོ་ལྐོག་མ་ཡིན་འདུལ་བ་བཞིན་དུ་ཐང་ངེ་། ཟས་གོས་སྤྱོད་གསུམ་གཉན་པོ་བཞིན་དུ་ཐང་ངེ་། གཡེང་བ་དང་བྱ་བ་ངན་པ་ལ་གཉན་པོ་ཐང་ངེ་། འཇིག་རྟེན་འདུ་འཛིན་མི་མཐུན་པ་ལ་གོ་ཆ་བཟང་པོ་ཐང་ངེ་། ནད་དགྲ་བློ་བུར་རྐྱེན་ལ་གཉན་པོ་མྱུར་མགྱོགས་ཐང་ངེའོ། །ཞེས་གསུངས་སོ། །
Domain	ཆོས་ལུགས།