65752

འདུལ་བ་བསྡུས་པ་ཁག་གཉིས་ (1)

Part of speech	མིང་ཚིག
Definition	འདུལ་བ་གཞུང་དམ་པ་ལས་བྱུང་བ་སྟེ། ༡ འདུལ་བ་བསྡུས་པ་ལྔ་བརྒྱ་པ་ནི། སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདས་ནས་རིང་པོར་མ་ལོན་པ་ན་རྒྱལ་པོའི་ཁབ་ཀྱི་གྲོང་ཁྱེར་དུ་དགེ་སློང་ལྔ་བརྒྱ་འདུས་ནས་མདོ་སྡེ་ཐམས་ཅད་དང་། འདུལ་བ་ཐམས་ཅད་དང་། མངོན་པའི་ཆོས་ཐམས་ཅད་བསྡུས་པར་བྱས་པ་འདི་ནི་འདུལ་བ་བསྡུས་པ་ལྔ་བརྒྱ་པ་ཞེས་བྱའོ། ། ༢ འདུལ་བ་བསྡུས་པ་བདུན་བརྒྱ་པ་ནི། སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདས་ནས་ལོ་བརྒྱ་རྩ་བཅུའི་འོག་ཏུ་ཡངས་པ་ཅན་ན་གནས་པའི་དགེ་སློང་རྣམས་ཀྱིས་མི་རུང་བའི་དངོས་པོ་བཅུ་རྣམས་ཕྱུང་སྟེ། མདོ་སྡེ་ངན་པ་དང་། འདུལ་བ་ངན་པ་དང་། སྟོན་པས་བསྟན་པ་ངན་པ་དང་། མདོ་སྡེ་ལས་འགལ། འདུལ་བ་ལས་མི་འབྱུང་། ཆོས་ཉིད་དང་མི་མཐུན་པ། ཡངས་པའི་དགེ་སློང་རྣམས་ཀྱིས་འདི་ནི། རུང་བའོ། །ཞེས་ཏེ། སྤྱོད་པར་བྱེད། ཤིན་ཏུ་སྤྱོད་པར་བྱེད། སྒྲོག་པར་བྱེད་པ་དེ་ཡང་དགེ་སློང་བདུན་བརྒྱ་རྣམས་གཅིག་ཏུ་འདུས་ནས་འདི་ནི། ཆོས་མ་ཡིན་ནོ། །འདུལ་བ་མ་ཡིན་ནོ། །འདི་ནི། སྟོན་པས་བསྟན་པ་མ་ཡིན་ནོ། །ཞེས་ཏེ། མངོན་དུ་ཞི་བར་བྱས་པ་འདི་ནི། འདུལ་བ་སྡུད་པ་བདུན་བརྒྱ་པའོ། །
Domain	ཆོས་ལུགས།