65758

འདུལ་བ་མདོའི་དོན་འགྲེལ་ (1)

Part of speech	མིང་ཚིག
Definition	མདོ། འདུལ་བ། འདུལ་བ་མདོའི་ཚིག་དོན་གཉིས་ལས་དོན་གཙོ་བོར་འགྲེལ་བའི་བསྟན་བཅོས་དག་ལ་ཟེར། དེའི་མཚན་གཞི་ནི། པཎ་ཆེན་གྱི་འདུལ་བ་ལུང་རིགས་ཉི་མ་ལས། རྩ་རྟགས་གཉིས་པ་གྲུབ་སྟེ། བྱེ༌བྲག་བཤད་མཛོད་ཆེན་མོའི་ནང་ཚན་འདུལ་བ་བྱེ༌བྲག་དུ་བཤད་པ། གཏན་ལ་དབབ་པ་བསྡུ་བའི་སོ་སོར་ཐར་པའི་སྡོམ་པ་གཏན་ལ་འབེབས་པ། སློབ་དཔོན་ཡོན་ཏན་འོད་ཀྱིས་མཛད་པའི་འདུལ་བ་མདོ་རྩ་བ་བམ་པོ་དགུའི་བདག་ཉིད་ཅན། དེས་མཛད་པའི་ཀརྨ་ཤ་ཏམ། ས་ག་ལྷས་མཛད་པའི་མེ་ཏོག་ཕྲེང་རྒྱུད། ཤཱཀྱ་འོད་ཀྱིས་མཛད་པའི་སུམ་བརྒྱ་པ་རང་འགྲེལ་འོད་ལྡན་དང་བཅས་པ། ཁ་ཆེ་འདུས་བཟང་གིས་མཛད་པའི་དགེ་ཚུལ་གྱི་ཚིག་ལེའུར་བྱས་པ་ལྔ་བཅུ་པ། སློབ་དཔོན་པད་མས་མཛད་པའི་དགེ་སློང་གི་ལོ་དྲི་བ་དང་། དགེ་ཚུལ་གྱི་ལོ་དྲི་བ་གཉིས་རྣམས་ཡོད་པའི་ཕྱིར། དེ་རྣམས་ལས་འདིར་མདོ་རྩ་བའི་རྗེས་སུ་འབྲངས་ནས་ལུང་གཙོ་བོར་འཆད་པ་ཡིན་ལ། དེ་ལ་ཡང་འགྲེལ་པ་དྲུག་ཏུ་གྲགས་ཏེ། ཉིད་ཀྱི་རྣམ་བཤད། ཆོས་ཀྱི་བཤེས་གཉེན་གྱིས་མཛད་པའི་རྒྱ་ཆེར་འགྲེལ། འགྲེལ་ཆུང་ཡོན་ཏན་འོད་མར་གྲགས་པ། ཤེས་རབ་བྱེད་པས་མཛད་པའི་འགྲེལ་པ། དྲི་མེད་བཤེས་གཉེན་གྱིས་མཛད་པའི་འགྲེལ་ཆུང། ཤཱཀྱ་འོད་ཀྱིས་མཛད་པའི་རྒྱ་དཔེ་རྣམས་ཡོད་པའི་ཕྱིར། དེ་དྲུག་གི་ནང་ནས་ཆོས་བཤེས་ཀྱིས་མཛད་པའི་ཊཱིཀྐ་ཉིད་ཚད་མར་བྱས་ཏེ་གཞུང་དོན་འགྲེལ་འོས་པར་འདུལ་འཛིན་ཕལ་ཆེ་བས་བཞེད་དོ། །ཞེས་གསུངས།
Domain	ཆོས་ལུགས།