65835

འདུལ་བའི་ལོ་འགོ་འཛིན་ཚུལ་དྲུག་ (1)

Part of speech	མིང་ཚིག
Definition	༡ རྟེན་འབྲེལ་མདོ་འགྲེལ་གྱི་རྗེས་སུ་འབྲངས་ནས་སྐྱོར་མོ་ལུང་གི་སྦ་ཏི་དགྲ་བཅོམ་སོགས་ཀྱིས་བོད་ཟླ་བརྒྱད་པའི་ཚེས་བཅུ་དྲུག་ལ་ལོ་འགོ་འཛིན། ༢ མདོ་ཉི་མའི་སྙིང་པོའི་རྗེས་སུ་འབྲངས་ནས་ཁ་ཆེ་པཎ་ཆེན། སྣར་ཐང་པ་མཆིམས་འཇམ་དབྱངས་སོགས་ཀྱིས་བོད་ཟླ་དགུ་པའི་ཚེས་བཅུ་དྲུག་ལ་ལོ་འགོ་འཛིན། ༣ རྗེ་ས་པཎ་དང་རྗེ་བདག་ཉིད་ཆེན་པོ་ཙོང་ཁ་པའི་རིང་ལུགས་འཛིན་པ་དང་བཅས་པས་མངོན་པ་མཛོད་ཀྱི་རྗེས་སུ་འབྲང་སྟེ་ཧོར་ཟླ་བཅུ་པའི་ཚེས་བཅོ་ལྔའི་མཚན་མོའི་མཐའ་སྐྱ་རེངས་མ་ཤར་གོང་དུ་ལོ་སྔ་མ་རྫོགས་པ། སྟོན་གྱི་དུས་རྫོགས་པ། སྨིན་དྲུག་ཟླ་བ་རྫོགས་པ་སྟེ་རྣམ་གསུམ་དུས་ཅིག་ཅར་དུ་བྱུང་སྟེ། དེ་སྐད་ཅིག་གཉིས་པ་ལ་ཧོར་ཟླ་བཅུ་པའི་ཚེས་བཅུ་དྲུག་གི་སྐྱ་རེངས་ཤར་མ་ཐག་ཏུ་ལོ་ཕྱི་མའི་ལོ་འགོ་འཛིན་པ། ༤ དགུན་གྱི་འགོ་འཛིན་པ། མགོ་ཟླ་བའི་འགོ་འཛིན་པ་སྟེ་འཛིན་པ་རྣམ་གསུམ་དུས་ཅིག་ཅར་དུ་འབྱུང་བའི་ཕྱིར། སྐར་རྩིས་པ་རྣམས་ཀྱིས་བོད་ཟླ་གསུམ་པ་ནག་པ་ཟླ་བའི་ཚེས་གཅིག་ལ་འགོ་འཛིན། ༥ ཟླ་བ་གསུམ་པ་དེ་ཁའི་ཚེས་བཅོ་ལྔ་ལ་དཔལ་ལྡན་འབྲས་སྤུངས་སུ་དུས་འཁོར་རྩ་རྒྱུད་གསུངས་པར་འདོད་པའི་ཕྱིར། ནག་རྩིས་པ་རྣམས་ཀྱིས་བོད་ཟླ་བཅུ་གཅིག་པའི་རགས་རྩིས་ལ་ཡར་ངོའི་ཚེས་གཅིག་དང་ཞིབ་རྩིས་བྱས་ནས་འཛིན་ན་དགུན་ཉི་ལྡོག་ནས་ལོ་འགོ་འཛིན་པ། ༦ མདོ་སྡེ་གསེར་འོད། སྨན་གྱི་གཞུང་རྒྱུད་བཞི། རྒྱ་ནག་ཧོར་རྒྱལ་པོ། བོད་ཁ་བ་ཅན་པ། ནག་རྩིས་པ་འགའ་ཞིག་བཅས་ཐམས་ཅད་མཐུན་པར་དེ་ལྟ་ཡོངས་གྲགས་ཀྱི་བོད་ཟླ་དང་པོའི་ཚེས་གཅིག་ལ་ལོ་འགོ་འཛིན་པའོ། །
Domain	ལོ་རྒྱུས།