66012

འདོད་ཁམས་ (1)

Part of speech	མིང་ཚིག
Definition	འདོད་ཁམས་ནི། བསོད་ནམས་མ་ཡིན་པས་དེར་ཁྲིད་པའམ་སློབ་དཔོན་འདུས་བཟང་ལྟར་ན་སྐྱབས་མི་རྙེད་པས་དམྱལ་བ་དང། སྐོམ་པ་དང་ལྡན་པས་ཡི་དྭགས་དང། མི་ལྟར་འགྲེངས་ཏེ་མི་འགྲོ་བར་དུད་དེ་འགྲོ་བས་དུད་འགྲོ་དང། ཡིད་ཤས་ཆེ་བས་སམ། སྐྱེ་དགུའི་བདག་པོ་ཤེད་ཀྱི་བུ་ཡིན་པས་མི་རྣམས་དང། འདི་དག་ལ་ཁྱིམ་ནམ་མཁའ་ལ་ཡོད་པས་ལྷ་སྟེ། རྒྱལ་ཆེན་བཞིའི་རིགས་སུ་གཏོགས་པས་རྒྱལ་ཆེན་བཞི་པ་དང་ལེགས་བྱས་ལྷན་ཅིག་བྱས་པ་རྣམས་དེར་སྐྱེ་བས་སམ། འཇིག་རྟེན་པ་ལྟར་ཉི་མ་བཅུ་གཉིས། དྲག་པོ་བཅུ་གཅིག ནོར་ལྷ་བརྒྱད། ཐ་སྐར་གྱི་བུ་གཉིས་ཏེ་གཙོ་བོ་སུམ་ཅུ་རྩ་གསུམ་ཡོད་པས་སུམ་ཅུ་རྩ་གསུམ་པ་དང། ལྷ་དང་ལྷ་མིན་འཐབ་པ་དང་བྲལ་བས་འཐབ་བྲལ་དང། ཆོས་ཀྱི་དགའ་བདེ་ལྷག་པར་ཆེ་བས་དགའ་ལྡན་དང། རང་གིས་སྤྲུལ་པའི་ལོངས་སྤྱོད་ལ་དགའ་བར་བྱེད་པས་འཕྲུལ་དགའ་དང། གཞན་གྱིས་སྤྲུལ་པའི་ལོངས་སྤྱོད་ལ་དབང་བསྒྱུར་བས་གཞན་སྤྲུལ་དབང་བྱེད་དེ། དྲུག་པོ་དེ་རྣམས་སྣོད་དང་བཅས་པ་འདོད་པ་དང་ལྡན་པའི་ཁམས་ཡིན་ནོ། །དེ་ལ་གནས་དུ་ཞིག་ཡོད་ཅེ་ན། དམྱལ་བ་ལ་ཚ་དམྱལ་བརྒྱད་དང། མི་ལ་གླིང་བཞིར་དབྱེ་བ་ལས་ངན་འགྲོ་དང་བདེ་འགྲོའི་གནས་བཅུ་བཅུ་སྟེ། འདོད་ཁམས་ཏེ་གནས་རིགས་ཉི་ཤུའོ། །སའི་དངོས་གཞིར་ཚ་དམྱལ་བརྒྱད་དང། གྲང་དམྱལ་བརྒྱད་དང། ཡི་དྭགས་དང་ལྷ་མིན་དང་གླིང་བཞི་གླིང་ཕྲན་བརྒྱད་འདོད་ལྷ་དྲུག་སྟེ། ངན་འགྲོ་དང་བདེ་འགྲོའི་གནས་བཅོ་བརྒྱད་རེ་སྟེ་སོ་དྲུག་ཡིན་ལ་དུད་འགྲོ་ནི་གནས་ངེས་པ་མེད་པར་བཤད་དོ་ཞེས་ཀུན་མཁྱེན་རོང་སྟོན་གྱི་མངོན་མཛོད་རྣམ་བཤད་ཤེས་བྱ་རབ་གསལ་ལས་སོ། ། གཉིས་པ་ལ་འདོད་ཁམས་ན་གནས་སུམ་ཅུ་རྩ་དྲུག་སྟེ། ཚ་དམྱལ་བརྒྱད། གྲང་དམྱལ་བརྒྱད། ཡི་དྭགས་ལྷ་མིན་རྣམས་དང་། གླིང་བཞི་གླིང་ཕྲན་བརྒྱད། འདོད་ལྷ་དྲུག་རྣམས་སོ། །འདིར་ནི། དམྱལ་བ་ཡི་དྭགས་དུད་འགྲོ་དང་། །མི་རྣམས་དང་ནི་ལྷ་དྲུག་དང་། །འདོད་པའི་ཁམས་ཡིན་དམྱལ་བ་དང་། །གླིང་དབྱེ་བ་ལས་དེ་ཉི་ཤུ། །ཞེས་གསུངས་ཏེ། དམྱལ་བ་བརྒྱད་དང་གླིང་བཞིར་དབྱེ་བས་སོ་ཞེས་ཀུན་མཁྱེན་གོ་རམས་པའི་ངོ་མཚར་སུམ་ལྡན་ལས་སོ། །
Domain	ཆོས་ལུགས།