66283

འདོད་སེམས་དགེ་བ་ལས་འབྱུང་བའི་སེམས་དགུ་ (1)

Part of speech	མིང་ཚིག
Definition	མདོ། མངོན་པ། འདོད་པའི་སེམས་དགེ་བ་ལས་ནི་རྗེས་ཐོགས་སུ་སེམས་དགུ་འབྱུང་སྟེ། རྒྱུན་གྱི་ཚེ་དང་ས་མཚུངས་པའི་ཚེ་ནི་རང་གི་ས་བ་བཞི་འབྱུང་ལ། སྙོམས་པར་འཇུག་པའི་ཚེ་འདོད་པའི་དགེ་བ་སྦྱོར་བྱུང་ལས་གཟུགས་ཀྱི་དགེ་བ་སྦྱོར་བྱུང་དང་། ཟག་མེད་གཉིས་དང་། ཉིང་མཚམས་སྦྱོར་བའི་ཚེ་འདོད་པའི་དགེ་བ་སྐྱེས་ཐོབ་ལས་ཁམས་གོང་མ་གཉིས་ཀྱི་བསྒྲིབས་པ་གཉིས་སོ། །གལ་ཏེ་སྙོམས་པར་འཇུག་པའི་ཚེ་འདོད་པའི་དགེ་བའི་རྗེས་སུ་གཟུགས་མེད་ཀྱི་དགེ་བའང་འབྱུང་བ་མ་ཡིན་ནམ་དེ་ལྟ་ན་བཅུ་འབྱུང་བར་འགྱུར་རོ་ཞེ་ན། འདོད་པའི་དགེ་བ་ལས་ནི་གཟུགས་མེད་ལ་སྙོམས་པར་མི་འཇུག་སྟེ། རིང་བ་ཉིད་བཞིས་རིང་བའི་ཕྱིར་རོ། །དེའི་ཕྱིར་གཟུགས་ཀྱི་སེམས་ཀྱིས་འདོད་པའི་སྤྲུལ་སེམས་མངོན་དུ་བྱེད་པས་གཟུགས་ཀྱི་སེམས་ལ་བརྟེན་པ་དང་། དེ་ལ་རགས་པ་དང་གཟུགས་མེད་ལ་ཞི་བའི་རྣམ་པར་ལྟ་བ་དང་། གཟུགས་ལ་དམིགས་པ་དང་། དེས་གཟུགས་ཀྱི་ཉོན་མོངས་པའི་གཉེན་པོ་བྱེད་པའི་ཕྱིར་འདོད་པའི་དགེ་བས་ཀུན་ནས་བསླང་ནས་གཟུགས་མེད་ལ་སྙོམས་པར་འཇུག་ནའང་བར་དུ་བསམ་གཏན་གྱི་སེམས་མངོན་དུ་བྱེད་པ་ལ་ལྟོས་པའི་ཕྱིར་རོ། །དེས་ན་གཟུགས་མེད་ཀྱི་དགེ་བ་དང་། མ་བསྒྲིབས་ལུང་མ་བསྟན་དང་། གཟུགས་ཀྱི་མ་བསྒྲིབས་ལུང་མ་བསྟན་གསུམ་དང་འདོད་པའི་དགེ་བ་ལ་ནི་རྒྱུ་འབྲས་སུ་གྱུར་པའི་ཚེ་དྲུག་པོ་དེ་དག་མི་སྲིད་པའི་ཕྱིར་རོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།