66843

འཕགས་པ་མི་ཟད་པའི་མདོའི་བསྡུས་དོན་བཅུ་དགུ་ (1)

Part of speech	མིང་ཚིག
Definition	འཕགས་པ་བློ་གྲོས་མི་ཟད་པས་བསྟན་པ་རྒྱ་ཆེར་འགྲེལ་པ་ཞེས་བྱ་བ་ལས་བྱུང་བ་སྟེ། ༡ གླེང་གཞི། ༢ གླེང་བསླང་བ། ༣ ཆོས་རྣམས་ཀྱི་གཞི། ༤ དེའི་འབྲས་བུ། ༥ བདག་དང་གཞན་གྱི་དོན་བྱེད་པ། ༦ སྙིང་བརྩེ་བ། ༧ ཡོ་བྱད། ༨ ཡོངས་སུ་སྨིན་པར་བྱ་བའི་མཐུ་འཐོབ་པ། ༩ བསྟན་པར་བྱ་བའི་མཐུ་འཐོབ་པ། ༡༠ དེའི་ཐབས་ཤེས་པ། ༡༡ ཚོགས་ཀྱི་ལམ། ༡༢ སྦྱོར་བའི་ལམ། ༡༣ མཐོང་བའི་ལམ། ༡༤ སྒོམ་པའི་ལམ། ༡༥ དེར་སྦྱོར་བ་བྱེད་པ། ༡༦ ལུང་བསྟན་པ་ཐོབ་པ། ༡༧ དེ་ཐོབ་པར་བྱ་བ་རྣམ་པར་གཞག་པ། ༡༨ རང་བྱང་ཆུབ། ༡༩ ཆོས་ཀྱི་འཁོར་ལོ་བསྐོར་བ་བཅས་སོ། །
Domain	ཆོས་ལུགས།