66961

འཕགས་པ་འོག་མའི་མཉམ་རྗེས་ཀྱི་ཡུལ་ (1)

Part of speech	མིང་ཚིག
Definition	མདོ། དབུ་མ། འཕགས་པ་གསུམ་ཆར་གྱིས་སྐྱེ་མེད་མངོན་སུམ་དུ་རྟོགས་པའི་ལུགས་ཡིན་པས། བདག་མེད་ལ་རྩེ་གཅིག་ཏུ་མཉམ་པར་བཞག་པའི་མཐོང་སྒོམ་གྱི་མཉམ་བཞག་ན་ཆོས་ཅན་ཇི་སྙེད་པ་མི་སྣང་སྟེ། དེའི་སྟོང་ཉིད་སྐྱེ་མེད་འཛིན་སྟངས་ཀྱི་གཙོ་བོར་གྱུར་ཅིང་། ཆོས་ཐམས་ཅད་ཆོས་ཀྱི་དབྱིངས་སུ་རོ་གཅིག་པར་རྟོགས་པའི་གེགས་མ་ལུས་པར་མ་སྤངས་པའི་ཕྱིར་རོ། །དེའི་རྗེས་ལ་ཐོབ་པའི་ཡེ་ཤེས་ལ་ནི་ཆོས་ཅན་ཇི་སྙེད་པ་སྐྱེ་འགག་དང་བཅས་པར་སྣང་སྟེ། གཉིས་སྣང་གི་བག་ཆགས་མ་སྤངས་པས་སོ། །ཆོས་ཅན་ཇི་སྙེད་པ་གཉིས་སྣང་དང་བཅས་ཏེ་སྣང་སྟེ། དེའི་ཚེ་མི་རྟག་སྡུག་བསྔལ་སོགས་ཀྱི་རྣམ་པ་ཅན་ཡིན་པའི་ཕྱིར་རོ། །འོན་ཀྱང་བདེན་པར་འཛིན་པར་ནི་མི་འགྱུར་ཏེ། བདེན་པའི་སྐྱེ་མེད་མངོན་སུམ་དུ་རྟོགས་པའི་ཕྱིར་རོ། །མདོར་ན་མཉམ་བཞག་ཏུ་སྐྱེ་འགག་ཙམ་ཡང་མི་སྣང་བས་ཇི་ལྟ་བ་རྟོགས་པ་དང་། རྗེས་ཐོབ་ཏུ་བདེན་པའི་སྐྱེ་འགག་མི་སྣང་ཡང་ཐ་སྙད་དུ་སྐྱེ་འགག་སྣང་བས་ཇི་སྙེད་པ་རྟོགས་པ་གཉིས་རེས་འཇོག་ཏུ་འབྱུང་གི་ཅིག་ཆར་དུ་མི་འབྱུང་བ་ནི་ཆོས་ཐམས་ཅད་ཆོས་ཀྱི་དབྱིངས་སུ་རོ་གཅིག་ཏུ་རྟོགས་པའི་རྟོགས་པ་མཐར་མ་ཐུག་པའི་གནད་ཀྱིས་སོ། །ཞེས་ཀུན་མཁྱེན་གོ་རམས་པས་འཇུག་པའི་དཀའ་འགྲེལ་ལས་གསུངས་སོ། །
Domain	ཆོས་ལུགས།