67768

འཕྲུལ་བློན་མཛངས་མི་བདུན་ (1)

Part of speech	མིང་ཚིག
Definition	བོད་ཡུལ་དར་རྒྱས་ཡོང་བ་ལ་མཛད་རྗེས་ཆེ་བའི་བློན་པོ། མཁས་མཛངས་ཅན་བདུན་ཏེ། པུ་དེ་གུང་རྒྱལ་སྐབས་ཀྱི་རུ་ལས་སྐྱེས། དེས་སོལ་བས་བསྲེགས་ཏེ་གཏེར་རྡོ་བཞུས། རྡོ་ལས་གསེར་དངུལ་ཟངས་ལྕགས་བཏོན། མཛོ་གཉིས་དོར་བསྡེབས་ས་ཞིོང་རྨོས། ཐོང་གཤོལ་གཉའ་ཤིང་གསར་དུ་བཅོས། ཆུ་ཡུར་དྲངས་པའི་ལག་རྩལ་དར། ཨེ་ཤོ་ལེགས་སྐབས་ཀྱི་ལྷ་བུ་མགོ་དཀར། དེས་ཞིང་ལ་དོར་ཁ་བརྩི་བ་དང་། འབྲོག་ལ་ཐུར་མའི་གྲངས་བརྩིས་ཀྱི་ཁྲལ་ཞིབ་བྱས། ཞིང་ཆུ་མ་རྨོ་བའི་སྲོལ་གཏོད། སྟག་རི་གཉན་གཟིགས་སྐབས་ཀྱི་ཁྲི་ངོར་སྣང་བཙན་མང་། བྲེ་དང་། ཕུལ་དང་། སྲང་རྣམས་ལེགས་བཅོས་བྱས་ཏེ་ཚོང་ལས་དར་སྤེལ་བྱས། སྲོང་བཙན་སྒམ་པོ་སྐབས་ཀྱི་ཐུ་མི་སམ་བྷོ་ཊ། དེས་བོད་ཀྱི་བརྡ་སྤྲོད་གསར་དུ་བརྩམས། བོད་ཡིག་ལེགས་བཅོས་བྱས། ཡི་གེ་གསར་གཏོད་བཟོ་མཁན་ཡང་ཟེར། སྙགས་ཁྲི་བཟང་ཡང་སྟོན། དེས་བོད་ཀྱི་ཀླུང་ཐང་དུ་གྲོང་སྡེ་གསར་པ་བཙུགས་མཁན་ཡིན། ཁྲི་སྲོང་ལྡེ་བཙན་སྐབས་ཀྱི་འགོས་ཁྲི་བཟང་ཡབ་ལྷག དེས་མི་བསད་པ་ལ་སྟོང་དང་། རྨས་པ་ལ་ཁྲག་གི་སྟོང་མཇལ་སྤྲོད་དགོས་པའི་དམངས་ཁྲིམས་ཐོག་མར་བཟོ་མཁན་ཡིན། སྟག་བཙན་གདོང་གཟིགས། དེས་དགུན་དུས་ཕྱུགས་ཟོག་རྣམས་གསོ་བའི་ཆེད་དུ། དབྱར་དུས་རྩྭ་སྔོན་རྣམས་བཏུ་ཞིང་སྐམ་གསོག་བྱ་སྟེ་ཉར་ཚགས་བྱ་བའི་སྲོལ་གཏོད།
Domain	ལོ་རྒྱུས།