6801

གཏན་ཚིགས་བདུན་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། མདོ་དགོངས་པ་འདུས་པར་རྡོ་རྗེ་སེམས་དཔའ་ཞེས་པའི་མཚན་གྱི་ངེས་ཚིག་སྒྲུབ་བྱེད་ཀྱི་གཏན་ཚིགས་རྣམ་པ་བདུན་ཏེ། གཟི་ལྡན་འཆར་ཁའི་འོད་སྣང་ལས་བྱུང་བ་ལྟར། དེ་ཁོ་ན་ཉིད་ཇི་བཞིན་པ་དེ་ནི་ཐམས་ཅད་ནས་ཐམས་ཅད་དུ་གཉེན་པོ་མེད་པ། བདག་གཞན་གྱི་སྤྲོས་པ་དང་བྲལ་བས་འཕོ་འགྱུར་མེད་པ། རྒྱུ་རྐྱེན་ལས་འདས་པས་སྐྱེ་འགག་མེད་པ་འདི་གསུམ་རྡོ་རྗེ་ལ་སྦྱར་བ་དང། མ་ནོར་མི་འགྱུར་བས་དེ་ཁོ་ན་ཉིད། མི་གཡོ་ཞིང་མ་བསྒྲིབས་པར་གསལ་བས་སེམས་རང་རིག་པ། དོན་ཆེན་པོ་ཇི་ལྟ་བར་ཡེ་མངོན་དུ་བྱས་པའི་ངོ་བོར་གྱུར་པས་དགོངས་པ་ངེས་པར་འགྲེལ་པ་འདི་གསུམ་སེམས་ལ་སྦྱར་བ་དང། དེ་ལས་ཆོ་འཕྲུལ་སྣ་ཚོགས་འབྱུང་བའི་མཚན་གཞི་ཅིར་ཡང་སྣང་བ་རིལ་མཉམ་པ་ཆེན་པོར་མ་བཀག་ལ་མ་དམིགས་པར་གཏན་ནས་སྦྱངས་པའམ་དངོས་པོ་མེད་པ་ཉིད་དུ་བཅོམ་པ་འདི་གཅིག་པོ་དེ་དཔའ་ལ་སྦྱར་བ་བཅས་བདུན་ནོ། །
Domain	ཆོས་ལུགས།