6810

གཏན་ཚིགས་རིགས་པའི་དོན་བསྡུས་རིན་ཆེན་ཕྲེང་བ་ (1)

Part of speech

མིང་ཚིག

Definition

ཚད་མའི་སྐོར་གྱི་གཞུང་ཞིག བརྗོད་བྱ་ནི་གཏན་ཚིགས་རིགས་པ། གཞུང་དེར་དབྱེ་བ་བཅུ་དྲུག་ཕྱེས་ཡོད་པ་སྟེ། དང་བོ་འདུས་བྱས་དང་འདུས་མ་བྱས་གཉིས། གཉིས་པ་ཡུལ་དང་ཡུལ་ཅན་གཉིས། གསུམ་པ་བརྗོད་བྱ་རྗོད་བྱེད་གཉིས། བཞི་པ་དགག་སྒྲུབ་གཉིས། ལྔ་པ་འགལ་འབྲེལ་གཉིས། དྲུག་པ་གཅིག་དང་ཐ་དད་གཉིས། བདུན་པ་རྫས་ཆོས་དང་ལྡོག་ཆོས་གཉིས། བརྒྱད་པ་མཚན་མཚོན་གཉིས། དགུ་པ་རྫས་ལྡོག་གཉིས། བཅུ་པ་རང་མཚན་སྤྱི་མཚན་གཉིས། བཅུ་གཅིག་པ་སྤྱི་དང་བྱེ་བྲག་གཉིས། བཅུ་གཉིས་པ་བདེན་པ་གཉིས། བཅུ་གསུམ་པ་མཚན་ཉིད་གསུམ། བཅུ་བཞི་པ་དགེ་མིི་དགེ་ལུང་མ་བསྟན་གསུམ། བཅོ་ལྔ་པ་བདེན་པ་བཞི། བཅུ་དྲུག་པ་ཕུང་ཁམས་སྐྱེ་མཆེད་གསུམ་བཅས་སོ། །མཛད་པ་པོ་ནི་ཇོ་ནང་བླ་མ་གཉག་ཕུ་བ་བསོད་ནམས་བཟང་བོ། ཇི་ལྟར་མཛད་པའི་ཚུལ་ཡང་གཞུང་དེའི་མཇུག་ཏུ། མཁས་པའི་དབང་བོ་དགེ་དགོངས་པ་ཡེ་ཤེས་སེང་གེ་དང་། ཉ་དབོན་པོ་ཀུན་དགའ་དཔལ་གྱི་སྐུ་དྲིན་ལ་བརྟེན་ནས་ལུང་དང་རིགས་པའི་དེ་ཁོ་ན་ཉིད་རིག་པ་བཀའ་བཞི་པ་བསོད་ནམས་བཟང་པོས་དཔལ་ཟུར་ཁང་གི་གཙུག་ལག་ཁང་དུ་སྦྱར་བའོ། །ཞེས་བྱུང་།