6823

གཏན་ལ་དབབ་པ་བསྡུ་པའི་ལུགས་ཀྱི་མཐོང་ལམ་ (1)

Part of speech	མིང་ཚིག
Definition	མདོ། ཕར་ཕྱིན། གཏན་ལ་དབབ་པ་བསྡུ་པའི་ལུགས་ཀྱི་མཐོང་ལམ་ནི། ཆོས་ཤེས་ཕྱོགས་མཐུན་བཞི་དང་། རྗེས་ཤེས་ཕྱོགས་མཐུན་བཞི་དང། མཇུག་ཏུ་ཞི་གནས་འབའ་ཞིག་པའི་སེམས་གཅིག་སྟེ། སེམས་རྣམ་པ་དགུས་མཐོང་བའི་ལམ་ཡོངས་སུ་རྫོགས་པར་འགྱུར་བར་གསུངས་ཤིང། དེ་དག་ཀྱང་གདུལ་བྱ་སྤྲོས་པ་ལ་དགའ་བ་བདེན་པ་མངོན་པར་རྟོགས་པ་ལ་གཞུག་པའི་ཐབས་སུ་མིང་ཚིག་ཡི་གེའི་ཚོགས་ཀྱིས་སྤྲོས་ཏེ་རྣམ་པར་གཞག་པ་ཡིན་གྱི། དོན་དམ་སྤྲོས་མེད་ཀྱི་དབང་དུ་བྱས་ན་དེ་བཞིན་ཉིད་ཤེས་པ་དང་མཚུངས་པར་ལྡན་པ་ཅིག་ཁོ་ནའི་སེམས་ཀྱི་རང་བཞིན་ལས་བརྩམས་ཏེ་མཐོང་བའི་ལམ་ཡོངས་སུ་རྫོགས་པར་འགྱུར་རོ། །ཞེས་བཤད་དོ། །ལུགས་འདི་ལ་མཐོང་སྤང་ཐམས་ཅད་ཅིག་ཅར་དུ་སྤོང་བར་བཞེད་དེ། བསྡུ་བ་ལས། ཉོན་མོངས་པ་རྣམས་ནི་ཅིག་ཅར་སྤོང་བར་རིག་པར་བྱ་ཡི། རིམ་གྱིས་ནི་མ་ཡིན་ནོ། །ཅིའི་ཕྱིར་ཞེ་ན། འདི་ཡང་གྲུབ་མཐའ་འདིའི་ལུགས་ཀྱི་ཐེག་པ་གསུམ་ཆར་གྱི་མཐོང་ལམ་སྐྱེ་ཚུལ་དུ་འདོད་ཅིང། ཐེག་པ་འོག་མ་གཉིས་ཀྱིས་དེ་བཞིན་ཉིད་རྟོགས་པ་ནི་གཞན་དབང་གི་སྟེང་དུ་གང་ཟག་གི་བདག་གིས་སྟོང་པའི་སྟོང་ཉིད་ལ་དེ་བཞིན་ཉིད་དུ་བྱས་པའོ། །ཞེས་ཀུན་མཁྱེན་གོ་རམས་པའི་སྦས་དོན་ཟབ་མོ་ལས་སོ། །
Domain	ཆོས་ལུགས།