68579

འབྲས་བུ་བཞི་བཞག་པའི་རྒྱུ་མཚན་ལྔ་ (1)

Part of speech	མིང་ཚིག
Definition	མདོ། མངོན་པ། མདོ་ལས་འབྲས་བུ་བཞིར་རྣམ་པར་བཞག་པ་ནི་རྒྱུ་མཚན་རྣམ་པ་ལྔ་དག་སྲིད་པའི་ཕྱིར་རོ། །ལྔ་གང་ཞེ་ན། རྒྱུན་ཞུགས་ལ་སོགས་པའི་འབྲས་བུ་རེ་རེར་འཇོག་པ་ལ་ནི་སྔོན་གྱི་ཞུགས་པའི་ལམ་སྔ་མ་བཏང་བ་དང་། དེ་ལས་གཞན་པའི་འབྲས་བུ་ལ་གནས་པའི་ལམ་ཐོབ་པ་དང་། སྤང་བྱ་ཟད་པ་བསྡོམས་པའི་ཐོབ་པ་གཅིག་རྙེད་པ་དང་། སྡུག་བསྔལ་ལ་ཆོས་ཤེས་པ་ལ་སོགས་པ་ཆོས་ཤེས་པ་བཞི་དང་སྡུག་བསྔལ་ལ་རྗེས་སུ་ཤེས་པ་ལ་སོགས་པ་རྗེས་སུ་ཤེས་པ་བཞི་སྟེ། ཤེས་པ་བརྒྱད་ཚན་ཐོབ་པ་དང་། མི་རྟག་པ་ལ་སོགས་པ་ཡེ་ཤེས་ཀྱི་རྣམ་པ་བཅུ་དྲུག་ཚང་བར་ཐོབ་པའོ། །དེ་ལ་མཐོང་ལམ་སྐད་ཅིག་མ་བཅོ་ལྔ་པ་མན་ཆད་ལ་ནི་རྒྱུ་མཚན་ལྔ་ག་མེད་པའི་ཕྱིར་དང་ཞུགས་པ་ཕྱི་མ་གསུམ་ལ་ནི་རྒྱུ་མཚན་ཕྱི་མ་གཉིས་ཡོད་ཀྱང་སྔ་མ་གསུམ་མེད་པའི་ཕྱིར་འབྲས་བུར་མ་བཤད་དོ་ཞེས་བྱེ་བྲག་ཏུ་སྨྲ་བ་འདོད་དོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།