68614

འབྲས་བུ་ལ་དཔྱོད་པ་ཡོད་མེད་སྐྱེ་འགོག་གི་གཏན་ཚིགས་ (1)

Part of speech	མིང་ཚིག
Definition	མདོ། ཕར་ཕྱིན། འབྲས་བུ་ལ་དཔྱོད་པ་ཡོད་མེད་སྐྱེ་འགོག་གི་གཏན་ཚིགས་ནི། ཕྱི་ནང་གི་དངོས་པོ་རྣམས་ཆོས་ཅན། རང་བཞིན་གྱིས་སྐྱེ་བ་མེད་དེ། རྒྱུ་དུས་ན་ཡོད་པའང་མི་སྐྱེ། རྒྱུ་དུས་ན་མེད་པའང་མི་སྐྱེ་བའི་ཕྱིར། དཔེར་ན་ནམ་མཁའ་བཞིན། ཕྱོགས་ཆོས་སྒྲུབ་པ་ལ། གལ་ཏེ་རྒྱུ་དུས་ན་ཡོད་པ་སྐྱེའོ་ཞེ་ན། འདི་ལ་རྒྱུ་འབྲས་འཆོལ་བར་ཐལ་བ་དང། རྒྱུ་འབྲས་ཐུག་མེད་དུ་ཐལ་བ་དང། རྒྱུ་མེད་དུ་ཐལ་བའི་སྐྱོན་གསུམ་ལས། དང་པོ་ནི་རྒྱུ་འབྲས་གཉིས་ཀ་གྲུབ་ཟིན་པས་བསྐྱེད་བྱ་སྐྱེད་བྱེད་གང་ཡིན་སོ་སོར་གཟུང་དུ་མེད་པའོ། །གཉིས་པ་ནི་གྲུབ་ཟིན་པའང་སྐྱེད་དགོས་ན་ཐུག་མེད་དུ་ཐལ་བའོ། །གསུམ་པ་ནི་རྒྱུ་དུས་ན་ཡོད་པ་སྐྱེ་ན་རྒྱུས་འབྲས་བུ་ལ་ཕན་མ་བཏགས་པར་འགྱུར་བས་འབྲས་བུ་རྒྱུ་མེད་དུ་འགྱུར་ཏེ། རྒྱུས་ཕན་མ་བཏགས་པའི་ཕྱིར། གལ་ཏེ་རྒྱུ་དུས་ན་མེད་པ་སྐྱེའོ་ཞེ་ན། དེའང་མི་འཐད་པར་ཐལ། བསྐྱེད་བྱར་མི་འཐད་པ་དང་། རྒྱུའི་ནུས་པ་འཇུག་པའི་ཡུལ་མིན་པ་དང། ཧ་ཅང་ཐལ་བའི་སྐྱོན་གསུམ་ཡོད་པའི་ཕྱིར། དང་པོ་ནི་རྒྱུ་དུས་ན་བསྐྱེད་བྱར་མེད་པའོ། །གཉིས་པ་ནི་རྒྱུའི་ནུས་པ་ཡོད་པའིི་དུས་ན་འབྲས་བུ་མེད། འབྲས་བུ་ཡོད་པའི་དུས་ན་རྒྱུའི་ནུས་པ་མེད་པའོ། །གསུམ་པ་ནི་རི་བོང་གི་རྭའང་བསྐྱེད་བྱར་འགྱུར་བའམ། ཡང་ན་འབྲས་བུ་ཡང་བསྐྱེད་བྱ་མིན་པར་འགྱུར་ཏེ། དེ་གཉིས་རྒྱུ་དུས་ན་མེད་པར་མཚུངས་པའི་ཕྱིར་རོ་ཞེས་ཀུན་མཁྱེན་གོ་རམས་པའི་ཡུམ་དོན་རབ་གསལ་ལས་སོ། །
Domain	ཆོས་ལུགས།