68621

འབྲས་བུ་ཤེར་ཕྱིན་ (1)

Part of speech	མིང་ཚིག
Definition	མདོ། ཕར་ཕྱིན། ཀུན་མཁྱེན་རོང་སྟོན་ཆེན་པོའི་ཟབ་དོན་གནད་ཀྱི་ཟླ་འོད་ལས། ངོ་བོ་ནི་སངས་རྒྱས་བཅོམ་ལྡན་འདས་ཀྱི་གཉིས་སུ་མེེད་པའི་ཡེ་ཤེས་སྒྱུ་མ་ལྟ་བུ་ལ་གཟུང་སྟེ། དེ་ལ་ཡེ་ཤེས་ཞེས་པ་དང་། གཉིས་སུ་མེད་པ་ཞེས་པ་དང། སྒྱུ་མ་ལྟ་བུ་ཞེས་པའི་ཚིག་གསུམ་གྱིས་སངས་རྒྱས་ལ་ཡེ་ཤེས་མེད་པར་འདོད་པ་དང། ཉན་ཐོས་སྡེ་གཉིས་ཀྱིས་གཟུང་འཛིན་རྫས་ཐ་དད་དུ་འདོད་པ་དང། སེམས་ཙམ་པ་གཟུང་འཛིན་གཉིས་མེད་བཞེད་ཀྱང་ཡེ་ཤེས་བདེན་དངོས་སུ་འདོད་པ་གསུམ་རིམ་པ་བཞིན་དུ་སེལ་བའི་དོན་དུ་སྨོས་སོ། །ཚིག་གསལ་ལས། མཚན་ཉིད་ནི་ཆོས་རབ་ཏུ་རྣམ་འབྱེད་རབ་ཀྱི་མཐར་ཕྱིན་པའོ། ། རྒྱན་འགྲེལ་ལུང་རིགས་རོལ་མཚོ་ལས། མཚན་ཉིད་ནི། སྤྲོས་བྲལ་མངོན་སུམ་དུ་རྟོགས་པའི་མཁྱེན་པ་གང་ཞིག ཕ་རོལ་ཏུ་ཕྱིན་ཟིན་པའོ། །སངས་རྒྱས་ཀྱི་གཉིས་སུ་མེད་པའི་ཡེ་ཤེས་སྒྱུ་མ་ལྟ་བུ་ལ་བྱ་བ་ཡིན་ལ། འདི་ལ་འབྲས་བུ་ཤེར་ཕྱིན་གྱི་བརྡའ་བཏགས་པ་ནི། ཐ་སྙད་ཟོར་ཡངས་པའི་ཕྱིར་ཡིན་ནོ། །ཞེས་པཎ་ཆེན་ཤཱཀྱ་མཆོག་ལྡན་གྱིས་གསུངས་སོ། །
Domain	ཆོས་ལུགས།