68702

འབྲས་རྟགས་ཀྱིས་གོ་བྱེད་ལ་རྩོད་པ་ (1)

Part of speech	མིང་ཚིག
Definition	དེ་ལས་སྐྱེས་པ་ཙམ་གྱིས་དེ་སྒྲུབ་ཀྱི་འབྲས་རྟགས་སུ་འགྱུར་ན། ལའི་དུ་བ་དེ་དུ་ལྡན་ལ་ལ་མེ་ཡོད་པར་སྒྲུབ་པའི་འབྲས་རྟགས་ཡང་དག་ཏུ་འགྱུར་ཏེ། དེ་ལའི་མེ་ལས་སྐྱེས་པའི་ཕྱིར། འདོད་མི་ནུས་ཏེ། ཚང་མང་ལ་སོགས་མཐུན་དཔེ་ལ་རྗེས་སུ་འགྲོ་བ་དང་ལྡོག་པ་མི་བྱེད་པའི་ཕྱིར། ཞེས་ལའི་དུ་བ་དེ་དུ་ལྡན་ལ་ལ་མེ་ཡོད་པར་སྒྲུབ་པའི་འབྲས་རྟགས་སམ་གོ་བྱེད་དུ་འགྱུར་ཞེས་རྩོད་པ་ཡིན་ཏེ། དེ་ཡང་དགའ་བྱང་ཡིག་ཆ་རྗེ་བཙུན་རྣམ་འགྲེལ་ལས། གཞན་ཡང་། ལའི་དུ་བ་ཡང། དུ་ལྡན་ལ་ལ་མེ་ཡོད་པར་སྒྲུབ་པའི་འབྲས་རྟགས་ཡང་དག་ཡིན་པར་ཐལ། དེ་ལའི་མེ་ལས་སྐྱེས་པའི་ཕྱིར། འདོད་མི་ནུས་ཏེ། ཚང་མང་ལ་སོགས་པའི་མཐུན་དཔེ་ལ་རྗེས་སུ་འགྲོ་ལྡོག་མི་བྱེད་པའི་ཕྱིར། ཞེས་གསུངས་པའི་ཕྱིར།
Domain	ཆོས་ལུགས།