68776

འབྲས་སྒོ་མང་གདན་རབས་བདུན་ཅུ་དོན་ལྔ་པ་ (1)

Part of speech	མིང་ཚིག
Definition	ཧར་གདོང་དགེ་བཤེས་བསྟན་པ་རྒྱལ་མཚན་མཆོག་ནི། བོད་རབ་བྱུང་བཅུ་དྲུག་པ་ཆུ་ཕོ་སྤྲེལ། ཕྱི་ལོ་༡༩༣༢ ལོར་ལྷོ་ཁ་སྐྱིད་ནགས་སྦུག་ཏུ་ཡབ་ཆོས་འཕེལ་བསྟན་འཛིན་དང་། ཡུམ་ཡར་འགྲོ་གཉིས་ཀྱི་སྲས་སུ་འཁྲུངས། དགོངས་ལོ་བཅུ་གཅིག་ཐོག་དཔལ་ལྡན་སྒོ་མང་གྲྭ་ཚང་གི་ཆོས་སྒོར་ཞུགས། ཕྱི་ལོ་༡༩༥༩ལོར་དུས་འགྱུར་བྱུང་རྗེས་རྒྱ་གར་གྱི་སྦག་ས་ཆོས་སྒར་དུ་ཕེབས། བཀའ་པོད་ལྔའི་སློབ་གཉེར་མཇུག་སྐྱོང་ལེགས་པར་མཛད་དེ་བོད་རབ་བྱུང་བཅུ་དྲུག་པའི་མེ་མོ་ལུག་སྟེ་ཕྱི་ལོ་༡༩༦༧ ལོར་དགེ་བཤེས་ལྷ་རམས་པའི་མཚན་སྙན་བཞེས། ཕྱི་ལོ་༡༩༨༦ ནས་༡༩༧༡བར་དུ་ཝཱ་ཎ་དབུས་བོད་ཀྱི་མཐོ་སློབ་དུ་ཞུགས་ནས་སློབ་དཔོན༼ཨ་ཙརྱའི་༽ཕྱག་འཁྱེར་བཞེས། གྲྭ་ཚང་དགེ་བསྐོས་ལོ་གཉིས་དང་། ཉི་ཧོང་དུ་ཆོས་འབྲེལ་གནང་། ཕྱི་ལོ་༡༩༨༦ཟླ་༥ཚེས་༤ཉིན་ནས་བཟུང་༡༩༨༩ཟླ་བ་༢ཚེས་༩བར་ལོ་གསུམ་རིང་སྒོ་མང་གྲྭ་ཚང་གི་མཁན་ཁྲིར་བཞུགས། གོང་ས༧་མཆོག་གི་བཀའ་དགོངས་བཞིན་ཉི་ཧོང་དུ་ཕེབས་ནས་བཞུགས། དེ་ནས་སླར་འབྲས་སྤུངས་སྒོ་མང་གྲྭ་ཚང་དུ་ཕེབས་བཞུགས་མཛད་པ་བཅས་སོ། །
Domain	ལོ་རྒྱུས།