68788

འབྲས་སྒོ་མང་གདན་རབས་ཞེ་བཞི་བ་ (1)

Part of speech	མིང་ཚིག
Definition	ཧར་ཆེན་ལྷ་བཙུན་མཐུ་སྟོབས་ཉི་མ་མཆོག་ནི། ཧར་ཆེན་རཏྣ་སིངྔྷི་ཝང་གི་སྲས་བཞི་པར་འཁྲུངས། སྐུ་ན་གཞོན་དུས་དགོན་ལུང་དུ་ཐུའུ་བཀྭན་རིན་པོ་ཆེའི་ཞབས་བསྟེན། རྗེ་དེ་ཉིད་ཀྱིས་ཡབ་ཝང་ལ་འདི་གྲྭ་ས་ཞིག་ཏུ་བཞག་ན་ལེགས་ཞེས་བཀའ་གནང་སྟེ་ལོ་མང་པོར་དེ་གར་ཉིད་དང་ལྷན་བཞུགས་ཀྱིས་ཆོས་གྲྭ་འགྲིམས། རབ་བྱུང་༡༣ ས་བྱི་ཕྱི་ལོ་༡༧༧༨ ལོར་ཕྱག་མཛོད་དོན་གྲུབ་དབང་རྒྱལ་དབུས་སུ་དགེ་སྒྲུབ་པ་མངགས་པ་དང་ལྷན་དུ། གསེར་ཁྲི་སྤྲུལ་སྐུ་དང་འདི་པ་གཉིས་གྲྭ་སར་ཕེབས། དཔལ་ལྡན་སྒོ་མང་གྲྭ་ཚང་གི་ཆོས་གྲྭར་ཞུགས་ནས་ཀ་རིང་བློ་བཟང་ཆོས་དར་ལས་དཔེ་ཁྲིད་ཞུས། གཞན་ཡང། ཡོངས་འཛིན་ཡེ་ཤེས་རྒྱལ་མཚན་དང་ཀུན་མཁྱེན་བར་པ་སོགས་བསྟེན་ནས་འདུལ་ཁྲིམས་རྣམ་པར་དག་པའི་སྒོ་ནས་གཞུང་ཆེན་བཀའ་པོད་ལྔ་ལ་ཐུགས་གཉེར་དང། ཆོས་བཀའ་ཅི་རིགས་གསན་བཞེས་མཛད་ཅིང་རིན་ཆེ་གླིང་སོགས་སུ་སྒྲུབ་པ་ཉམས་ལེན་མཐར་ཕྱིན་ཅིང་ལྷ་རམས་པའི་དམ་བཅའ་དཔེ་མེད་ཐོན། རབ་བྱུང་༡༣ ཆུ་ཕོ་བྱི་བ་ཕྱི་ལོ་༡༧༩༢ ལོར་སྒོ་མང་གྲྭ་ཚང་གི་ཆོས་ཀྱི་ཁྲིར་མངའ་གསོལ་ནས་བསྟན་པ་ལ་བྱ་བ་རྒྱ་ཆེར་མཛད། ས་ལུག་ཕྱི་ལོ་༡༧༩༩ ལོར་དབུས་ནས་བཏེགས། ལོ་དེར་རང་ཡུལ་དུ་འབྱོར། དགུ་པའི་ཡར་ཚེས་ལ་དགོན་ལུང་གི་ཁྲིར་ཕེབས། དེའི་རྗེས་ཧར་ཆེན་དུ་རི་ཁྲོད་བཏབ་ནས་ཀུན་སྤངས་མཛད་ཅེས་གསལ། གསུང་འབུམ་པོད་གཅིག་བཞུགས།
Domain	ལོ་རྒྱུས།