68789

འབྲས་སྒོ་མང་གདན་རབས་ཞེ་བརྒྱད་པ་ (1)

Part of speech	མིང་ཚིག
Definition	མཁན་ཆེན་ལ་མོ་ངག་དབང་ཚུལ་ཁྲིམས་མཆོག་ནི། ཨུ་རུར་ཡབ་ཚེ་བརྟན་བཀྲ་ཤིས་དང་ཡུམ་བོ་ཡག་གཉིས་ཀྱི་སྲས་སུ་རབ་བྱུང་༡༣ ཆུ་རྟ་ཕྱི་ལོ་༡༧༦༢ ལོར་འཁྲུངས། གཞོན་ནུའི་དུས་ནས་ལ་མོ་བདེ་ཆེན་གྱི་ཆོས་སྒོར་ཞུགས། དབུས་སུ་ཕེབས་ནས་སྒོ་མང་ཀླུ་འབུམ་ཁང་ཚན་དུ་བཞུགས་ཏེ་གཞུང་ཆེན་མོར་གསན་བསམ་མཐར་ཕྱིན་པ་མཛད་ནས་དགེ་བཤེས་ལྷ་རམས་པ་ཐོན། ཀུན་མཁྱེན་འཇམ་བཞད་སྐུ་ཕྲེང་གསུམ་པ་རྗེ་བཙུན་བློ་བཟང་ཐུབ་བསྟན་འཇིགས་མེད་རྒྱ་མཚོ་རབ་བྱུང་༡༤ ས་སྦྲུལ་ཕྱི་ལོ་༡༨༠༩ ལོར་དབུས་སུ་ཕེབས་སྐབས་ཡོངས་འཛིན་དུ་བསྟེན་ནས་དཔེ་ཁྲིད་ཞུས། དེའི་རྗེས་གཞུང་ནས་སྒོ་མང་མཁན་པོར་བསྐོས་པས་འཆད་ཉན་ཡུན་རིང་མཛད་པ་དང་རིགས་གྲྭ་ལན་གཉིས་བཏང་བ་སོགས་སྐུ་དྲིན་ཤིན་ཏུ་ཆེ། དཔོན་སློབ་ངག་དབང་ཚུལ་ཁྲིམས་འདི་ཉིད་ཀྱི་སྐབས་གྲྭ་ཚང་གི་བཅའ་ཡིག་གསར་བསྐྲུན་མཛད།
Domain	ལོ་རྒྱུས།