68808

འབྲས་སྒོ་མང་གདན་རབས་སོ་བདུན་པ་ཅུན་གར་བ་བློ་བཟང་ཆོས་གྲགས་ (1)

Part of speech

མིང་ཚིག

Definition

ཁོང་ནི་ཅུན་གར་གྱི་ཡུལ་དུ་འཁྲུངས། དབུས་སུ་ཕེབས་ནས་དཔལ་ལྡན་སྒོ་མང་གྲྭ་ཚང་གི་ཆོས་སྒོར་ཞུགས། གཞུང་ཆེན་བཀའ་པོད་ལྔ་ལ་སྦྱངས་པ་མཐར་ཕྱིན་ནས་རིགས་པའི་དབང་ཕྱུག་ཅུན་གར་བློ་བཟང་ཆོས་གྲགས་ཞེས་པའི་མཚན་ཆགས། དཔལ་ལྡན་སྒོ་མང་གྲྭ་ཚང་གི་ཁྲིར་ཕེབས། རབ་བྱུང་༡༢ཆུ་མོ་ཕག་ཕྱི་ལོ་༡༧༤༣ལོར་འབྲས་སྤུངས་བླ་མ་རྣམས་རྒྱལ་མཆོག་བདུན་པ་ཆེན་པོའི་མཇལ་ཁར་བྱུང་བར་བདག་གཞན་མཉམ་བརྗེའི་བྱང་ཆུབ་གྱི་སེམས་ལས་འཕྲོས་པའི་བཀའ་འདྲི་འགའ་ཞིག་གནང་བར་སྒོ་མང་བླ་མ་ཆོས་གྲགས་སོགས་ཀྱི་ལན་ཕུལ་ཏེ་འབེལ་གཏམ་མང་དུ་མཛད་པས་དེ་རིང་དོགས་པའི་གནས་འགའ་རེ་ཆོས་བྱུང་ཞེས་དགྱེས་མཉེས་ཆེན་པོར་མཛད། གསུང་རྩོམ་རྟེན་འབྲེལ་ཤོག་གྲངས་༥༤ལྗགས་རྩོམ་མཛད།