68824

འབྲས་སྤུངས་བཀྲ་ཤིས་སྒོ་མང་གྲྭ་ཚང་གི་ཁང་ཚན་བཅུ་དྲུག་ (1)

Part of speech	མིང་ཚིག
Definition	༡ཧར་གདོང་ཁང་ཚན་ནི། སྟོད་སོག ཨ་ལག་ཤ། ཤིན་ཅང་བཅས་ཀྱི་སོག་རིགས་དང༌། ནང་སོག་ཁག་གཅིག འདམ་དང༌། ནག་ཆུའི་འབྲོག་པ། སྟོད་ལུང་དང༌། ཡངས་པ་ཅན། འཕན་པོ་བཅས་ཀྱི་དབུས་པ་ཁག་གཅིག་བཅས་ཀྱི་གྲྭ་རྒྱུན་ཐོབ་ཁུངས་ཡིན། ༢ བསམ་བློ་ཁང་ཚན་ནི། ཨ་མདོ་ཁུལ་ཁག་གཅིག་དང༌། མཚོ་སྔོན་གྱི་སོག་རིགས། བོད་བྱང་ཁུལ་གྱི་འབྲོག་པ་བཅས་ཀྱི་གྲྭ་རྒྱུན་ཐོབ་ཁུངས། ༣ གུང་རུ་ཁང་ཚན་ནི། བར་ཁམས་ཚ་བ་དཔའ་ཤོད། ཤོ་པ་མདོ། སྟར་རྫོང༌། ལྷོ་རྫོང་བཅས་དང༌། དབུས་ནས་འབྲི་གུང་པ་བཅས་ཀྱི་གྲྭ་རྒྱུན་ཐོབ་ཁུངས། ༤ པྲ་ཏི་ཁང་ཚན་ནི། ཅོ་ནེ། ཆས་པ་བཅས་ཀྱི་གྲྭ་རྒྱུན་ཐོབ་ཁུངས། ༥ ཀླུ་འབུམ་ཁང་ཚན་ནི། མཚོ་སྔོན་གྱི་རེབ་གོང༌། རྡོ་སྦིས། ཨ་རིག་བཅས་ཀྱི་གྲྭ་རྒྱུན་ཐོབ་ཁུངས། ༦ ཏཱ་དབེན་ཁང་ཚན་ནི། ཟམ་ཚ། མཛོད་དགེ་སྨད། ཧོར་ཚང་ཡོངས་རྫོགས། ཀླུ་ཆུ་ཤིས་ཚང་བཅས་ཀྱི་གྲྭ་རྒྱུན་ཐོབ་ཁུངས། ༧ ཐེ་བོ་ཁང་ཚན་ནི། མཛོད་དགེ་ཤོག་བཅུ་གཉིས། འཕན་ཕྱི་ཤོག་བདུན། དི་ཉག་ཤོག་ལྔ། ཐེ་བོ་ཁུལ་མང་ཆེ་བ། འབྲུག་ཆུ་ཕྱེད་ཀ་བཅས་ཀྱི་གྲྭ་རྒྱུན་ཐོབ་ཁུངས། ༨ གཞུང་པ་ཁང་ཚན་ནི། ཨ་མདོ་ཟམ་ཚ་རོང་པ་ཡོངས་རྫོགས། བསང་ཆུ་སྟོད་སྨད། འབོ་ར། ཨ་མཆོག་བཅས་ཀྱི་གྲྭ་རྒྱུན་ཐོབ་ཁུངས། ༩ འགག་ཤིང་ཁང་ཚན་ནི། མཚོ་སྔོན་གྱི་དན་ཏིག ཡང་ཏིག མཛོ་མོ་མཁར་བཅས་ཀྱི་གྲྭ་རྒྱུན་ཐོབ་ཁུངས། ༡༠ བྲ་ཉེ་ཁང་ཚན་ནི། གཙོས་ལྷ་ཁང༌རྫ་ཡིས། རྒན་གྱ། བཀྲ་ཤིས་འཁྱིལ་གྱི་མཐའ་བ། བསང་ཆུ་ཁོངས་ཀྱི་རོང་པ་བཅས་ཀྱི་གྲྭ་རྒྱུན་ཐོབ་ཁུངས། ༡༡ ཟུང་ཆུ་ཁང་ཚན་ནི། ཨ་མདོ་ཁོངས་ཟུང་འཕན་ཡོངས་རྫོགས། རྔ་བ་ཁུལ་མང་ཆེ་བ། མགོ་ལོག་གི་ཁང་གསར། ཁང་རྒན་བཅས་ནས་ཡོང་བའི་གྲྭ་རྒྱུན་ཐོབ་ཁུངས། ༡༢ ཆུ་བཟང་ཁང་ཚན་ནི། མཚོ་སྔོན་གྱི་ཆུ་བཟང་དང་དབུས་ཁུལ་སྟོད་ལུང་པ་བཅས་ཀྱི་གྲྭ་རྒྱུན་ཐོབ་ཁུངས། ༡༣ བྱ་བྲལ་ཁང་ཚན་ནི། བསང་ཆུ་ཁོངས་ཀྱི་དངུལ་ར། མཛོད་དགེ་ཉི་མ་ཆོས་འཁོར་ཁག་གསུམ། མགོ་ལོག་རྫ་ཆུ་ཁ། ཨ་རིག་བཅས་ཀྱི་གྲྭ་རྒྱུན་ཐོབ་ཁུངས། ༡༤ རེབ་རྩ་ཁང་ཚན་ནི། རེབ་ཙ་ཁག་བཞི་བཅས་ཀྱི་གྲྭ་རྒྱུན་ཐོབ་ཁུངས། ༡༥ ཆས་པ་ཁང་ཚན་ནི། ཅོ་ནེ་ཆས་བུ་ཤིས་པ། བདེ་ཐང་ཡ་རུ་མ་རུ། ས་དམར། ཨ་འཁོར། ཕྱེ་རོ་ཁོག་བཅས་ཀྱི་གྲྭ་རྒྱུན་ཐོབ་ཁུངས། ༡༦ མངའ་རིས་ཁང་ཚན་ནི། སྟོད་མངའ་རིས་ཀྱི་གྲྭ་རྒྱུན་ཐོབ་ཁུངས་བཅས་ཡིན།
Domain	ལོ་རྒྱུས།