693

ཀརྨ་པ་ཆོས་དབྱིངས་རྡོ་རྗེ་ (1)

Part of speech

མིང་ཚིག

Definition

རབ་བྱུང་བཅུ་པའི་ཤིང་འབྲུག་ཕྱི་ལོ ༡༦༠༤ ལོར་མདོ་ཁམས་མགོ་ལོག་སྨར་སྟོད་ཀི་ཟི་ཐང་དུ་ཡབ་ཁྱེའུ་ཐར་དང་། ཡུམ་ཨ་མཚོ་གཉིས་ཀྱི་སྲས་སུ་འཁྲུངས། བྱིས་དུས་ཀྱི་མཚན་ལ་ཨོ་རྒྱན་སྐྱབས་ཞེས་ཞུ། ཀཾ་པོ་གངས་ར་ནས་རྨ་ཆེན་སྤོམ་རའི་བར་དུ་ཞབས་ཀྱིས་བཅགས། ཡུལ་ལྷ་གཞི་བདག་གིས་གསེར་སྐྱེམས་དང་མཆོད་འབུལ་ཞུ་བ་སོགས་བྱུང་། འཇང་བོད་སོགས་མཆོག་དམན་གྱི་སྐྱེ་འགྲོ་རྣམས་དགེ་བའི་ལམ་བཟང་དུ་བཀོད། དབུས་གཙང་སོགས་སུ་ཕེབས་སྐབས་ཕ་ཝང་རོག་གཏམ་ཞེས་པ་ལ་ཞབས་རྗེས་བྱོན། བྱང་ཆུབ་དགོན་དུ་འབྲི་ཆུའི་གནོད་པ་བཟློག རྗེ་བཙུན་གཙུག་ལག་རྒྱ་མཚོས་གཙུག་ཕུད་བཞེས། ས་སྐྱོང་ཀརྨ་བསྟན་སྐྱོང་དབང་པོས་རྒྱལ་རྩེར་སྤྱན་དྲངས། འབྱོར་པ་རྒྱ་ཆེན་པོའི་མཆོད། དགེ་འདུན་ཚོགས་པའི་དབུས་སུ་སྨོན་ལམ་གྱི་མཛད་སྒོ་གནང་། ཞེ་གཅིག་པར་བསྙེན་པར་རྫོགས། སོག་པོ་བསྟན་འཛིན་ཆོས་རྒྱལ་གྱིས་བོད་ཀྱི་སྲིད་དབང་བཟུང་སྟེ། ཡོན་བདག་གཙང་པ་སྡེ་སྲིད་རྩ་གཏོར་བཏང་རྗེས། ཁམས་ཕྱོགས་བརྒྱུད་འཇང་ཡུལ་དུ་བྱོན། འཇང་ཡུལ་དུ་དགོན་ཁག་བཅུ་གསུམ་ཕྱག་བཏབ། ཀརྨ་བཀའ་བརྒྱུད་ཀྱི་ཆོས་ལུགས་རྒྱ་ཆེར་སྤེལ། རྒྱལ་དབང་ལྔ་པ་ཆེན་པོས་བོད་དུ་འབྱོར་དགོས་པའི་བཀའ་ལྟར་ཕེབས། སེམས་ཅན་དབུལ་ཕོངས་རྣམས་ལ་ཟང་ཟིང་གིས་ཚིམས་པ་གནང་། སྣང་སྲིད་བདེན་མེད་དུ་གཟིགས་པས་དགའ་སྡུག་གི་སྣང་བ་བྲལ། གནོད་མཁན་རྣམས་ལ་འཁོན་འཛིན་མེད་ཅིང་ལྷག་པར་བརྩེ། ཐུགས་མཉམ་རྗེས་བྲལ་བའི་ཏིང་ངེ་འཛིན་ལས་མི་གཡོ་བ་ཞིག རབ་བྱུང་བཅུ་གཅིག་པའི་ཤིང་སྟག་ཕྱི་ལོ ༡༦༧༤ ལོར་སྐུ་གཤེགས། སློབ་མ་གྲགས་ཆེ་བ་ནི། ཞྭ་དམར་ཡེ་ཤེས་སྙིང་པོ་དང་། རྒྱལ་ཚབ་ནོར་བུ་བཟང་པོ། དཔའ་བོ་འཕྲིན་ལས་རྒྱ་མཚོ། སི་ཏུ་མི་ཕམ་འཕྲིན་ལས་རབ་བརྟན། གནས་མདོ་ཀརྨ་ཆགས་མེད། ཁྱབ་བདག་གྲུབ་མཆོད་དབང་པོ། ཁ་རེག་ཀརྨ་བསྟན་སྲུང་བཅས་ཡིན། ཀརྨ་པ་སྐུ་ཕྲེང་བཅུ་པ་ཡིན། མཚན་གཞན། ཨོ་རྒྱན་སྐྱབས།

{{#arraymap:ཀརྨ་པ་ཆོས་དབྱིངས་རྡོ་རྗེ་

|; |@@@ | | }}