71073

ཡི་དྭགས་ཀྱི་གནས་ (1)

Part of speech	མིང་ཚིག
Definition	མདོ། མངོན་པ། ཡི་དྭགས་ཀྱི་གནས་ཀྱི་རྩ་བ་རྒྱལ་པོའི་ཁབ་ནི་འཛམ་བུའི་གླིང་འདི་ཉིད་ཀྱི་འོག་དཔག་ཚད་ལྔ་བརྒྱ་འདས་པ་ན་ཡི་དྭགས་ཀྱི་གྲོང་ཁྱེར་སེར་སྐྱ་ཞེས་བྱ་བ་ཡོད་དེ། དེ་ན་ཡི་དྭགས་ཀྱི་གཙོ་བོ་ཆོས་ཀྱི་རྒྱལ་པོ་གཤིན་རྗེ་ཞེས་བྱ་བ་འཕེན་བྱེད་མི་དགེ་བས་བྱས་ཤིང་རྫོགས་བྱེད་དགེ་བས་བྱས་པ་ལྷའི་དཔལ་ལྟ་བུ་མྱོང་བ་ཞིག་ཡོད་དོ། །དེའི་འཁོར་ན་ཡི་དྭགས་ཀྱི་རིས་སུམ་ཅུ་རྩ་དྲུག་ཡོད་པར་དྲན་པ་ཉེར་གཞག་ལས་བཤད་དོ། །སའི་དངོས་གཞི་ལས་ནི་བཀྲེས་སྐོམ་གྱིས་གདུངས་ནས་ཆུ་ཀླུང་ལ་སོགས་པར་ཕྱིན་པ་ན་སྐྱེས་བུ་མཚོན་ཆ་སྣ་ཚོགས་ཐོགས་པས་སྲུང་བ་དང་། ཆུ་ལ་སོགས་པའང་རྣག་ཁྲག་ཏུ་མཐོང་སྟེ་ལོངས་སྤྱད་དུ་མི་རུང་བར་འགྱུར་བ་ཟས་སྐོམ་ལ་ཕྱི་རོལ་གྱི་སྒྲིབ་པ་ཡོད་པ་དང་། གཞན་གྱིས་གེགས་མ་བྱས་པར་ཟས་སྐོམ་རྙེད་ཀྱང་ཁ་དང་མགྲིན་པ་དང་རྐང་ལག་ཕྲ་ཞིང་ལྟོ་ཆེ་བ་ལ་སོགས་པས་ལོངས་སྤྱད་པར་མི་ནུས་པ་ཟས་སྐོམ་ལ་ནང་གི་སྒྲིབ་པ་ཡོད་པ་དང་། ཡི་དྭགས་མེ་ལྕེའི་ཕྲེང་བ་ཅན་དང་། ལྗན་ལྗིན་ཟ་བ་ལ་སོགས་པ་ཁ་ཅིག་གི་ཟས་སྐོམ་གྱིས་ལུས་འཚིག་པ་དང་། བཤང་གཅི་ལ་སོགས་པར་འགྱུར་བ་དང་། ཁ་ཅིག་རང་གི་ཤ་བཅད་ཅིང་ཟ་བ་ཙམ་ལས་བཟའ་བཏུང་བསོད་པ་ལོངས་སྤྱད་པར་མི་ནུས་པ་ཟས་སྐོམ་ལ་སྒྲིབ་པ་ཡོད་པ་ཞེས་བྱ་བ་ཡི་དྭགས་ཀྱི་རིགས་གསུམ་བཤད་དོ། །ཁ་འཐོར་བ་ནི་དེ་དག་ལས་འཕྲོས་པ་སྟེ། མཁའ་ལ་རྒྱུ་བའི་ཡི་དྭགས་རྡུལ་ཁྲོད་ཀྱི་ཤ་ཟར་བགྲང་བ་ལ་སོགས་པ་རྣམས་ཡིན་ནོ། །ཡི་དྭགས་ཁ་འཐོར་བ་ནི་མྱ་ངམ་གྱི་ཐང་ལའང་ཡོད་པར་བཤད་དེ། ཀོ་ལྤགས་ཀྱི་གཞི་ལས། གྲོ་ཞུན་སྐྱེས་རྒྱ་མཚོའི་འགྲམ་དུ་འཁྱམས་པ་ལ་ཡི་དྭགས་རྣམས་ཀྱིས་སྨྲས་པ་ཡིན་ནོ། །བྱེ་བྲག་ཏུ་སྨྲ་བ་ནི་དམྱལ་བ་ནའང་ཡོད་པར་འདོད་དེ། དམྱལ་བསྲུངས་གཤིན་རྗེ་རྣམས་ཡི་དྭགས་ཀྱི་སྡེར་གཏོགས་པའི་ཕྱིར་རོ། །མདོ་སྡེ་པ་ན་རེ་དེ་ན་དམྱལ་བ་མིན་པའི་སེམས་ཅན་ནི་མེད་དེ། མི་དགེ་བའི་དབང་འབྲས་ཕྱི་རོལ་གྱི་དོན་ཉིད་གཤིན་རྗེའི་སྐྱེས་བུ་དང་ལྕགས་ཀྱི་ཁྱི་དང་ཁྭ་ཏ་འདབ་འཇིགས་ལ་སོགས་པར་སྣང་བའི་ཕྱིར་རོ་ཞེས་ཟེར་རོ། །རྣལ་འབྱོར་སྤྱོད་པ་པ་དང་དབུ་མ་པ་རྣམས་ནི་དེ་ལྟར་གནས་ལ་སོགས་པ་ངེས་པར་བསྟན་པ་ནི་སེམས་ཅན་དེ་དག་གི་བསམ་པ་དང་མཐུན་པར་བཤད་པ་ཡིན་གྱི། དེ་དག་ན་དམྱལ་བ་མ་གཏོགས་པའི་སེམས་ཅན་གཞན་དག་ཀྱང་ཡོད་པ་མ་ཡིན་ལ། ཕྱི་རོལ་གྱི་དོན་ཡང་མ་ཡིན་གྱི། རང་གི་སེམས་ཉིད་མི་དགེ་བའི་སྟོབས་ཀྱིས་གཤིན་རྗེའི་སྲིན་པོ་དང་། ལྕགས་བསྲེགས་ཀྱི་ས་གཞི་དང་མེ་འབར་བ་དང་འཇིགས་པའི་སྣང་བར་སྐྱེས་ནས་གདུང་བར་བྱེད་དོ་ཞེས་འདོད་དོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།

{{#arraymap:ཡི་དྭགས་ཀྱི་གནས་

|; |@@@ | | }}