71157

ཡིག་བརྒྱའི་སྔགས་དོན་ (1)

Part of speech	མིང་ཚིག
Definition	ཨོཾ་བཤད་ཟིན། བཛྲ་རྡོ་རྗེ། ས་ཏྭ་སེམས་དཔའ། འདིའི་མཐར་བོད་པའི་སི་བྱིན་པ་ཡིན་པས་བཛྲ་ས་ཏྭ་གར་ཡོད་རྣམས་ཐུགས་དམ་བསྐུལ་ཕྱིར་མཚན་ནས་བོད་པ་ཡིན་ནོ། །ས་མ་ཡ་དམ་ཚིག དེ་ལ་ལས་ཀྱི་རྣམ་དབྱེ་བྱིན་པས་ས་མ་ཡ་མུ་དང་། མ་ནུ་པཱ་ལ་རྗེས་སུ་སྐྱོངས་ཤིག སྔ་ཕྱིར་མཚམས་སྦྱར་བས་ས་མ་ཡ་མ་ནུ་པྰ་ལ་ཡ་སྟེ་ཤེས་རབ་སྟོང་པ་ཉིད་དང་། ཐབས་སྙིང་རྗེ་ཆེན་པོ་ཟུང་དུ་འཇུག་པའི་ངེས་དོན་གྱི་རྡོ་རྗེ་སེམསདཔའ་བདག་ལ་དམ་ཚིག་རྗེས་སུ་སྐྱོངས་ཤིག་ཅེས་པའོ། །ཚུལ་ཇི་ལྟར་སྐྱོང་ན་བཛྲ་ས་ཏྭ་རྡོ་རྗེ་སེམས་དཔའ། ཏྭེ་ནོ་ཁྱོད་ཀྱིས་ཨུ་པ་ཏིཥྛ་ཉེ་བར་བཞུགས་པའམ་གནས་ཤིག་སྟེ་རྡོ་རྗེ་སེམས་དཔའ་ཉིད་ཉེར་བར་གནས་ཤིག་པའོ། །ཚུལ་ཇི་ལྟར་གནས་ན་ཌྭི་ཌྷོ་བརྟན་པར། གང་ལ་གནས་ན། མེ་བདག་ལ། བྷ་ཝ་རང་བཞིན་འོག་གི་ཀུ་རུ་ཞེས་པ་ཀུན་ལ་སྦྱར་དགོས་ཞེས་རྗེ་བཙུན་རིན་པོ་ཆེས་གསུངས་པས་ཀུ་རུ་མཛོད་ཅིག་སྟེ་བདག་ལ་བསྟན་པའི་རང་བཞིན་དུ་གནས་པར་མཛོད་ཅིག་པའོ། །དེ་བཞིན་དུ་སུ་ཏོ་ཥྱོ་ལེགས་པར་ཚིམ་པའམ་དགའ་བ། མེ་བྷ་ཝ་སྔར་བཞིན་ཏེ་བདག་ལ་ལེགས་པར་དགྱེས་པའི་རང་བཞིན་དུ་མཛོད་ཅིག ཨ་ནུ་རཀྟོ་རྗེས་སུ་ཆགས་པ་མེ་བྷ་ཝ་སྔར་བཞིན་ཏེ་བདག་ལ་ཐུགས་རྗེས་སུ་ཆགས་པའི་རང་བཞིན་དུ་མཛོད་ཅིག སུ་པོ་ཥྱོ་ལེགས་པར་རྒྱས་པ། མེ་བྷ་ཝ་སྔར་བཞིན་ཏེ་བདག་ལ་ལེགས་པར་རྒྱས་པའི་རང་བཞིན་དུ་མཛོད་ཅིག སརྦ་ཐམས་ཅད་སིངྡྷི་དངོས་གྲུབ། མེ་བདག་ལ། པྲ་ཡཙྪེ་སྩོལ་ཅིག་སྟེ་མཆོག་ཐུན་གྱི་དངོས་གྲུབ་ཐམས་ཅད་བདག་ལ་སྩོལ་ཅིག སརྦ་ཐམས་ཅད་ཀརྨ་ལས་རྣམས་ལ་སུ་ཙ་ཡང་ཞེས་པའི་ཚིག་ཕྲད་མེ་བདག་ཙིཏྟཾ་སེམས་ལ་ཤྲི་ཡཿ དགེ་བ་ཀུ་རུ་མཛོད་ཅིག་སྟེ་ལས་རྣམས་ཐམས་ཅད་ལ་ཡང་བདག་གི་སེམས་དགེ་བར་མཛོད་ཅིག་ཅེས་པའོ། །ཧཱུྃ་ཆོས་དབྱིངས་མི་འགྱུར་བའི་དབྱིངས་དང་ཧ་ཧ་ཧ་ཧ་ཡེ་ཤེས་གཞན་བཞི། ཧོཿ དབྱེར་མེད་པ་སྟེ་མདོར་ན་དབྱིངས་དང་ཡེ་ཤེས་དབྱེར་མེད་པའི་ངེས་དོན་གྱི་རྡོ་རྗེ་སེམས་དཔའ་དེ་བདག་གི་སྙིང་ལ་གནས་ནས་དགེ་བར་མཛོད་ཅིག་པའོ། །དོན་དེ་ལ་མཚན་ཅི་སྐད་བྱ་ན་བྷ་ག་ཝཱན་བཅོམ་ལྡན་འདས། སརྦ་ཏ་ཐཱ་ག་ཏ་དེ་བཞིན་གཤེགས་པ་ཐམས་ཅད། བཛྲ་རྡོ་རྗེ་སྟེ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གཉིས་མེད་ཡེ་ཤེས་ཀྱི་རྡོ་རྗེ་ཞེས་བྱ་སྟེ་འབོད་པའོ། །ཅིའི་ཕྱིར་འབོད་ན། མ་དགག་ཚིག མེ་བདག མུཉྩ་དོར་ཅིག་ཏེ་བདག་མ་དོར་ཅིག་ཅེས་བསྐུལ་བའོ། །མི་དོར་ཚུལ། བཛྲཱི་རྡོ་རྗེ་ཅན་བྷ་ཝ་རང་བཞིན་སྟེ་བདག་རྡོ་རྗེ་ཅན་གྱི་རང་བཞིན་ལས་མ་དོར་ཅིག་ཅེས་པའོ། །མ་ཧཱ་ཆེན་པོ་ས་མ་ཡ་དམ་ཚིག་ས་ཏྭ་སེམས་དཔའ་སྟེ་དམ་ཚིག་སེམས་དཔའ་ཆེན་པོ་ཞེས་སླར་ཡང་བོད་པའོ། །ཨཱཿ་ ནི་སངས་རྒྱས་ཐམས་ཅད་ཀྱི་གསུང་རྡོ་རྗེ་བདག་ཉིད་གཞོམ་མེད་ཀྱི་ཡི་གེ་སྟེ་མ་ལུས་པའི་དོན་ཅན་ནམ་གདོད་མ་ནས་མ་སྐྱེས་པའི་ཕྱིར་ཆོས་ཐམས་ཅད་ཀྱི་སྒོ་ཡིན་པས་ལྷ་དང་སྔགས་དང་སྒྲུབ་པ་པོ་རྣམས་རང་བཞིན་སྐྱེ་མེད་དུ་གཅིག་པའི་དོན་ནོ་ཞེས་སྡེ་གཞུང་ཆོས་འཕེལ་གྱི་ཀུན་རིག་རྣམ་བཤད་ལས་སོ། །
Domain	ཆོས་ལུགས།

{{#arraymap:ཡིག་བརྒྱའི་སྔགས་དོན་

|; |@@@ | | }}