71245

ཡིད་ཀྱི་ལྷ་མོ་ (1)

Part of speech	མིང་ཚིག
Definition	སྔགས། ཡེ་གཤེན་རྒྱུད། བོན། མཚན་གཞན་ལ་སྐབས་འགར་གར་གྱི་ལྷ་མོ་ཞེས་གསལ། གནས་ནི་དཀྱིལ་འཁོར་བྱང་ཕྱོགས་ཕོ་བྲང་གླིང་ཆེན་གྱི་ནུབ་ཕྱོགས་ལ། ལྷ་སྟེགས་ཀྱི་གདན་ནི་པད་མའི་ཁྲི་རུ་བཞུགས་སོ། །སྐུའི་ཆ་བྱད་ནི། སྐུ་མདོག་དམར་མོ་རྒྱན་དང་ལྡན་པ་དབུ་ལ་གཡུ་ཡི་ཐོར་གཙུག། སྐུ་ལ་རིན་ཆེན་ན་བཟའ་གསོལ་བ། ཕྱག་མཚན་རིན་ཆེན་པི་ཝང་བསྣམས་པ་ཞིག་གོ ། ཕྲིན་ལས་ནི། ཐུགས་རྗེའི་ཐབས་ཀྱིས་འགྲོ་བར་ཉོན་མོངས་པའི་སྒྲིབ་པ་སེལ་ཅིང་དབྱིངས་ནས་བདེར་གཤེགས་ཀྱི་ཐུགས་དམ་བསྐུལ་བར་མཛད་དོ། ། ལྷ་མོ་འདིའི་སྐྱེད་བྱེད་ཀྱི་སྙིང་པོའམ་ས་བོན་ནི། བསྭོ་ཨཱོྃ་སལེ་སང་ངེ་འདུ་འདུ་ག ཞེས་པའམ་ག་ཡིག་འདི་ཉིད་དོ། །ཡིག་འབྲུ་དེ་དག་གི་འབྲུ་དོན་ནམ་མཚོན་དོན་ནི། བསྭོ་ནི་མི་འགྱུར་བོན་གྱི་དབྱིངས་མཚོན་ལ། ཨཱོྃ་ནི་འགག་མེད་རྫོགས་སྐུ། སལེ་ནི་སྐུ་གསུམ་འདུ་འབྲལ་མེད་པ། སང་ངེ་ནི་དབྱིངས། ག་ཡིག་ནི་ལྷ་མོ་འདི་ཉིད་དུ་མཚོན་པའོ། །ཡིག་འབྲུའི་གནས་ཡུལ་ནི། མང་རུམ་མདུད་ཅེས་པ་རྩ་གཡོན་དམར་ལ་གནས་པར་གསུངས་སོ། །བྱེད་ལས་ནི། ལྷ་མོ་འདི་ཉིད་བསྐྱེད་པའི་གཞི་བྱེད་དོ། །དེ་དག་གི་དོན་རྟོགས་དང་མ་རྟོགས་པའི་དགེ་སྐྱོན་ནི། གསང་འདུས་ལྟར་ལྷ་ཡབ་ཡུམ་སྦྱོར་ཚུལ་དེའི་དབང་དུ་བྱས་ན། རྟོགས་ན་ཀུན་ཁྱབ་ཡེ་ཤེས་དབྱིངས་སུ་དག་པ་དང་མ་རྟོགས་ན་སྒྱུ་མ་ཡིད་དུ་འཁྲུལ་ལ། གྲོལ་ན་བྱམས་ལྡན་འཇམ་པ་དང་ཕྱག་རྒྱ་བསྒྱུར་བ་དང་གཉིས་སུ་མེད་པར་འགྱུར་ལ། མ་གྲོལ་ནའང་འཁོར་བའི་བོན་དུ་ཤར་བར་གསུངས་སོ། །ཞི་རྒྱུད་ནང་ལྷ་ཚོགས་ཀྱི་སྐུ་བསྟོད་སྐབས་སུ། འདི་ལ་ཡབ་ཡུམ་གྱི་རྣམ་པ་ཅན་དུ་མ་གསལ་ཡང་། གསང་འདུས་དང་ཐོས་གྲོལ་གཉིས་ལས་ཡབ་ཡུམ་གྱི་རྣམ་པ་ཅན་དུ་གསུངས་ཀྱང་དེ་གཉིས་ལས་ཡབ་ཡུམ་སྤྱར་ཚུལ་ལ་མ་མཐུན་པ་ཡོད་འདུག་པས། ཐོས་གྲོལ་ལྟར་ན་ཡེ་གཤེན་སེམས་དཔའ་བརྒྱད་ཀྱི་ནང་གསེས་ཁྲི་རྨང་རྒྱལ་བའི་ཕྱག་རྒྱའི་ཡུམ་ཡིན་ལ། གསང་འདུས་དོན་རྒྱུད་ལྟར་ན་སྣང་བ་མདོག་ཅན་གྱི་ཕྱག་རྒྱའི་ཡུམ་དུ་གསུངས་སོ། །
Domain	ཆོས་ལུགས།

{{#arraymap:ཡིད་ཀྱི་ལྷ་མོ་

|; |@@@ | | }}