71287

ཡིད་ཆེས་པའི་བསལ་བ་ (1)

Part of speech	མིང་ཚིག
Definition	ཡིད་ཆེས་ཚིག་དང་དམ་བཅའ་བ། །འགལ་བ་ཁས་བླངས་བསལ་བ་ཡིན། །དེའི་མཚན་ཉིད་ནི། དམ་བཅས་ཙམ་ཉིད་ན་ཡིད་ཆེས་པའི་ཚིག་དང་འགལ་བར་གྲུབ་པའོ། །དབྱེ་ན། དེ་ལ་ཁས་བླངས་རང་ཚིག་གཉིས། རིགས་པའི་སྒོར་གསུངས་པ་ལྟར་ཁས་བླངས་ཀྱི་བསལ་བ་དང་། རང་ཚིག་གི་བསལ་བ་གཉིས་སོ། །ཞེས་འཇམ་མགོན་ས་པཎ་གྱི་རིགས་གཏེར་རང་འགྲེལ་ལས་སོ། །ཡིད་ཆེས་ཀྱི་བསལ་བའི་མཚན་ཉིད་ནི། དམ་བཅས་ཙམ་ཉིད་ནས་རང་གི་ཞེན་དོན་ཡིད་ཆེས་པའི་ཚིག་དང་འགལ་བ་གྲུབ་པའོ། །དེ་ལ་ཁས་བླངས་ཀྱི་བསལ་བ་ཞེས་ཀྱང་བྱ་སྟེ། ཁས་བླངས་རྗེས་དཔག་གི་བསལ་བ་ཡིན་པའི་ཕྱིར་རོ། །དབྱེ་ན། རིགས་སྒོ་ལས། ཁས་བླངས་ཀྱི་བསལ་བ་དང་། རང་ཚིག་གི་བསལ་བ་གཉིས་སུ་གསུངས་ལ། མཚན་གཞི་ཡང་ཐ་དད་དུ་བཤད་དོ། །ཞེས་པཎ་ཆེན་ཤཱཀ་མཆོག་གི་སྡེ་བདུན་རོལ་མཚོ་ལས་སོ། །ཡིད་ཆེས་ཀྱི་བསལ་བའི་མཚན་ཉིད་ནི། དམ་བཅས་ཙམ་ཉིད་ན་དེ་དངོས་སུ་སེལ་ནུས་ཀྱི་འགལ་བ་ཡིད་ཆེས་རྗེས་དཔག་གིས་གྲུབ་པའོ། །དབྱེ་བ་ལ། རིགས་སྒོར་གསུངས་པ་ལྟར། ཁས་བླངས་ཀྱི་བསལ་བ་དང་། རང་ཚིག་གི་བསལ་བ་གཉིས་ལས། དང་པོ་ནི། དཀར་ཆོས་སྤྱད་པ་ལས། མ་འོངས་པ་ན་བདེ་བ་མི་འབྱུང་བར་དམ་བཅས་པ་ན་དེའི་ཞེན་དོན་ལྟ་བུ་དང་། གཉིས་པ་ནི། གཞལ་བྱའི་དོན་ཅན་གྱི་ཚད་མ་དག་མེད་དོ། །ཞེས་དམ་བཅས་པ་ན་དེའི་ཞེན་དོན་ལྟ་བུའོ། །ཞེས་ཀུན་མཁྱེན་གོ་རམས་པའི་རིགས་གཏེར་གསལ་བྱེད་ལས་སོ། །
Domain	ཚད་མ།

{{#arraymap:ཡིད་ཆེས་པའི་བསལ་བ་

|; |@@@ | | }}