71289

ཡིད་ཆེས་བཅུ་གཉིས་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། མདོ་དགོངས་པ་འདུས་པར་སེམས་ཉིད་གསང་བའི་སྙིང་པོའི་དེ་ཁོ་ན་ཉིད་ཚུལ་ཇི་ལྟ་བར་མཐོང་ཞིང་རྟོགས་པའི་རྟགས་སུ་ཡིད་ཆེས་པ་བཅུ་གཉིས་སུ་འབྱུང་བར་གསུངས་པ་སྟེ། འདིའི་དོན་གཟི་ལྡན་འཆར་ཁའི་འོད་སྣང་ལས། བློ་དང་ལྡན་པས་ཆོས་ཐམས་ཅད་སྒྱུ་མ་ལྟ་བུར་རྟོགས་པ་ན་ཡོན་ཏན་ཀྱང་སྒྱུ་མར་དུས་ཀུན་ཏུ་སྣང་བས། སྐྱོན་ལ་དངོས་གཞི་མེད་པར་ཡིད་ཆེས། བྱམས་པ་ལ་ཆགས་པ་མེད་པས། སྡང་བ་ལ་ཡིད་མི་འཁྲུག་པར་ཡིད་ཆེས། སྣང་སྲིད་ཆོས་ཉིད་ཀྱི་ནམ་མཁའི་ངང་ལ་རོ་གཅིག་ཏུ་གནས་པར་རྟོགས་པས། དངོས་པོ་ལ་རང་བཞིན་མེད་པར་ཡིད་ཆེས། རིག་པ་སྣང་བའི་སྤྱོད་ཡུལ་དང་བྲལ་ཏེ་མཚན་མར་བརྟག་ཏུ་མེད་པ་ཉིད་པས། ཡུལ་སེམས་ཀྱི་དངོས་པོ་དང་བྲལ་བར་ཡིད་ཆེས་པའམ། ཕུང་པོ་ལ་བརྟག་ཏུ་མེད་པས། ཀུན་གཞི་ལ་དངོས་པོ་མེད་པར་ཡིད་ཆེས། འབྲས་བུའི་རྩ་བར་ཆོས་ཉིད་ཀྱི་སྙིང་པོ་ཀུན་གཞིར་གྱུར་པས་སེམས་ཉིད་ལས་སངས་རྒྱས་གཞན་པ་ལོགས་ན་མེད་པར། ཡེ་སངས་རྒྱས་པར་ཡིད་ཆེས། དྲན་རིག་སྣ་ཚོགས་སུ་རྒྱུ་བ་ཡེ་ཤེས་ཇི་སྙེད་པར་ལྷུན་གྱིས་གྲུབ་སྟེ་དུས་གསུམ་དུ་གསལ་བ་དག་གིས། ཐུགས་རྗེ་རྒྱུན་དུ་འཆར་བར་ཡིད་ཆེས། ཡེ་ཤེས་གསལ་བའི་སྒྲོན་མར་ཡིད་ཀྱི་མེ་ལོང་ཉིད་རང་སྣང་བས། མ་རིག་པའི་མུན་པ་མིང་མེད་དུ་སེལ་བར་ཡིད་ཆེས། ཡོན་ཏན་གྱི་འབྱུང་གནས་ཡིད་བཞིན་ནོར་བུ་ལྟ་བུར་ཀུན་གཞི་ཉིད་གྱུར་པས། དངོས་གྲུབ་རང་གི་རྩལ་ཉིད་ལས་བྱུང་བར་ཡིད་ཆེས། སེམས་ཉིད་ལ་སྐྱེ་འགག་གི་འཕོ་འགྱུར་མེད་པས། སྐྱེ་ཤི་ལ་འཇིགས་པ་དང་བྲལ་བར་ཡིད་ཆེས། ངོ་བོ་ཅིར་ཡང་མ་ངེས་པར་རྟོགས་ནས་གནས་ལ་ངེས་པ་མེད་པས། འཕོ་འགྱུར་ལ་ཉམ་མི་ང་བར་ཡིད་ཆེས། མ་རྟོགས་པ་རྟོགས་པར་བྱར་མེད་པར་ཡེ་སངས་རྒྱས་པའི་དོན་དུ་ཆུབ་པས་ན་ཤེས་པ་བྱ་བརྩལ་ཀུན་དང་བྲལ་ཏེ། རྩོལ་སྒྲུབ་བྱ་མི་དགོས་པར་ཡིད་ཆེས། དོན་ངེས་ནས་གོ་བའི་ཡུལ་རྟོགས་ན་ཁམས་གསུམ་སངས་རྒྱས་ཀྱི་ཞིང་ཡིན་པས། སའི་རིམ་པ་ལ་བསྒྲོད་པ་མེད་པར་ཡིད་ཆེས། ཞེས་གསུངས་སོ། །
Domain	ཆོས་ལུགས།

{{#arraymap:ཡིད་ཆེས་བཅུ་གཉིས་

|; |@@@ | | }}