71828

ཡུལ་ཤེས་པའི་ཆེ་བ་ (1)

Part of speech	མིང་ཚིག
Definition	མདོ། དབུ་མ། ས་བདུན་པར་བྱང་སེམས་རང་གིས་ཡུལ་ཤེས་པའི་ཆེ་བ་སྟེ། ཆོས་ཀྱི་བདག་མེད་རྒྱས་པར་བསྒོམ་པའི་སྟོབས་ཀྱིས་ཉོན་སྒྲིབ་མ་ལུས་པ་དྲུངས་འབྱིན་པའི་བར་ཆད་མེད་ལམ་སྐྱེས་ཤིང། ངོ་སྐལ་གྱི་ཤེས་སྒྲིབ་སྤོང་བའི་བྱ་བ་དང་བཅས་པ་ཡིན་ལ། ས་སྔ་མ་རྣམས་སུ་ཤེས་སྒྲིབ་རགས་པ་སྤངས་པའི་རྣམ་པར་གྲོལ་བའི་ལམ་ཡང་མངོན་དུ་བྱས་པས་ཉན་རང་གི་ཤེས་རབ་ཀྱི་བྱ་བ་ལས་ཤིན་ཏུ་འདས་པའི་ཕྱིར། ས་སྔ་མ་རྣམས་སུ་ནི་ཉན་རང་བློས་གནོན་པར་མི་ནུས་ཏེ། དེར་ཉོན་སྒྲིབ་མ་ལུས་པར་སྤོང་བའི་གཉེན་པོ་མ་ཐོབ་པའི་ཕྱིར་རོ། །ཞེས་པཎ་ཆེན་ཤཱཀ་མཆོག་གི་དབུ་འཇུག་གནད་ཀྱི་ཊཱིཀ་ལས་གསུངས་སོ། ། རང་གི་ཡུལ་ཤེས་པའི་ཆེ་བའི་དོན་ནི་ཐེག་ཆེན་རང་གི་ཐུན་མོང་མ་ཡིན་པའི་ཡུལ་སྤྲོས་པ་མཐའ་དག་བཀག་པའི་འགོག་པ་ཐོས་བསམ་གྱིས་ཤེས་པ་ཚོགས་སྦྱོར་ནས་ཡོད། མངོན་སུམ་དུ་ཤེས་པ་ས་དང་པོ་ནས་ཡོད་ཀྱང། དེའི་ཆེ་བ་ནི་མཚན་འཛིན་སླར་མི་སྐྱེ་བའི་ཆོས་ཅན་དུ་བྱེད་པའི་ནུས་པ་ཡིན་ལ་དེ་ས་བདུན་པ་ནས་ཐོབ། །ཞེས་ཀུན་མཁྱེན་གོ་རམས་པའི་འཇུག་པའི་དཀའ་འགྲེལ་ལས་གསུངས་སོ། །
Domain	[ཆོས་ལུགས།, ལྟ་གྲུབ།]