71948

ཡེ་ཤེས་ཀྱི་ལས་བཅུ་ (1)

Part of speech	མིང་ཚིག
Definition	ཕལ་ཆེན་ལེའུ་ཞེ་གསུམ་པ་ལས་བྱུང་བ་སྟེ། ༡ འདི་ལྟར་ལས་ཀྱི་རྣམ་པར་སྨིན་པ་ལ་ཡིད་ཆེས་པས། རྒྱུ་དང་འབྲས་བུ་ཆུད་མི་ཟ་བ་ནི་ཡེ་ཤེས་ཀྱི་ལས་སོ། །༢ བྱང་ཆུབ་ཀྱི་སེམས་མི་གཏོང་བས། རྟག་ཏུ་རྒྱུན་མི་འཆད་པར་སངས་རྒྱས་ཡིད་ལ་བྱེད་པ་ནི་ཡེ་ཤེས་ཀྱི་ལས་སོ། །༣ དགེ་བའི་བཤེས་གཉེན་ལ་བསྙེན་ཅིང་བསྟེན་པ་དང་། རིམ་གྲོ་བྱེད་ཅིང་དེ་ལ་ལྡང་བ་དང་། བསྙེན་བཀུར་དང་། བླ་མར་བྱ་བ་དང་། ཉན་པར་དགའ་བ་ནི་ཡེ་ཤེས་ཀྱི་ལས་སོ། །༤ ཆོས་ལ་དོན་དུ་གཉེར་ཅིང་ཆོས་འདོད་པ་དང་། ཆོས་ཚོལ་བ་དང་། ཐོས་པ་བཙལ་བས་མི་ངོམས་པ་དང་། ཚུལ་བཞིན་ཡིད་ལ་བྱ་བས་སྦྱོར་བ་དང་། ཚུལ་བཞིན་མ་ཡིན་པའི་ཡིད་ལ་བྱེད་པ་ཡོངས་སུ་སྤོང་བ་ནི་ཡེ་ཤེས་ཀྱི་ལས་སོ། །༥ སེམས་ཅན་རྣམས་ལ་ང་རྒྱལ་མེད་པ་དང་། བྱང་ཆུབ་སེམས་དཔའ་རྣམས་ལ་སྟོན་པ་ཙམ་དུ་གཅེས་པར་སེམས་པ་དང་། ཆོས་རྣམས་ལ་བདག་ཙམ་དུ་གཅེས་པར་སེམས་པ་དང་། དེ་བཞིན་གཤེགས་པ་རྣམས་ལ་སྲོག་ཙམ་དུ་གཅེས་པར་སེམས་པ་དང་། ནན་ཏན་ཉམས་སུ་བླང་བ་ལ་སངས་རྒྱས་ཙམ་དུ་གཅེས་པར་སེམས་པ་ནི་ཡེ་ཤེས་ཀྱི་ལས་སོ། །༦ ལུས་དང་། ངག་དང་། ཡིད་ཀྱི་ལས་ཁ་ན་མ་ཐོ་བ་མེད་པ་དང་། འཚོ་བའི་དབང་པོ་སྨད་དུ་མི་རུང་བ་དང་། འཚོ་བ་མཁས་པས་བསྔགས་པ་དང་། བྱང་ཆུབ་ལས་ཀྱི་རྩོམ་པའི་རྩོལ་བ་ནི་ཡེ་ཤེས་ཀྱི་ལས་སོ། །༧ རྟེན་ཅིང་འབྲེལ་བར་འབྱུང་བ་དང་མི་འགལ་བ་དང་། ལྟ་བའི་ཐིབས་པོ་དང་བྲལ་བ་དང་། གཏི་མུག་གི་མུན་པ་དང་། རབ་རིབ་སེལ་བ་དང་། མ་རིག་པའི་མུན་ནག་མེད་པར་བྱེད་པ་དང་། ཆོས་ཐམས་ཅད་ལ་ཤེས་རབ་ཀྱི་སྣང་བ་རབ་ཏུ་ཐོབ་པར་བྱེད་པ་ནི་ཡེ་ཤེས་ཀྱི་ལས་སོ། །༨ ཡོངས་སུ་བསྔོ་བ་བཅུའི་རྗེས་སུ་འབྲང་བ་དང་། ཕ་རོལ་ཏུ་ཕྱིན་པ་རྣམས་ལ་མར་འདུ་ཤེས་པ་དང་། ཐབས་མཁས་པ་ལ་ཕར་འདུ་ཤེས་པ་དང་། བསམ་པ་བྱང་ཆུབ་ཀྱི་རྣམ་པ་ལ་ཞུགས་པ་ནི་ཡེ་ཤེས་ཀྱི་ལས་སོ། །༩ སྦྱིན་པ་དང་། ཚུལ་ཁྲིམས་དང་། ཐོས་པ་དང་། ལྷག་མཐོང་དང་། ཞི་གནས་ཡོངས་སུ་ཚོལ་བ་དང་། བསོད་ནམས་དང་ཡེ་ཤེས་ཀྱི་ཚོགས་ཡོངས་སུ་ཚོལ་བས་མི་སྐྱོ་བ་ནི་ཡེ་ཤེས་ཀྱི་ལས་སོ། །༡༠ ལས་གང་སངས་རྒྱས་ཀྱིས་བསྔགས་པ། བདུད་ཀྱི་དཀྲུགས་མ་དང་། ཉོན་མོངས་པ་ཐམས་ཅད་དང་བྲལ་བ་བསྒྲིབས་པ་དང་། གཅོད་པ་དང་། ཀུན་ནས་འཁོར་བ་ཐམས་ཅད་ཡོངས་སུ་ཆད་པ་དང་། སེམས་ཅན་ཐམས་ཅད་ཡོངས་སུ་སྨིན་པར་བྱ་བ་དང་། རྣམ་པར་གདུལ་བའི་ཡེ་ཤེས་དང་མཐུན་པ་དམ་པའི་ཆོས་ཡོངས་སུ་གཟུང་བ་ལ་བརྩོན་པ། སངས་རྒྱས་ཀྱི་ཞིང་ཡོངས་སུ་དག་པར་བྱེད་པའི་མངོན་པར་ཤེས་པ་དང་། རིག་པའི་ཡེ་ཤེས་མངོན་སུམ་དུ་གྱུར་ཅིང་། དེ་ལྟ་བུའི་ལས་བྱེད་པ་འདི་ནི་ཡེ་ཤེས་ཀྱི་ལས་ཡང་དག་ཕུལ་གྱི་ཆོས་དང་ལྡན་པའོ། །
Domain	ཆོས་ལུགས།