72281

ཡོངས་འཛིན་ (1)

Part of speech	མིང་ཚིག
Definition	བླ་སྤྲུལ་ཁག་གི་དགེ་རྒན།
Type	ཞེ་ས།

ཡོངས་འཛིན་ (2)

Part of speech	མིང་ཚིག
Definition	ཆུ་ཕོ་བྱི།
Domain	རྩིས་རིག

ཡོངས་འཛིན་ (3)

Part of speech	མིང་ཚིག
Definition	མདོ། ཁྱད་པར་གསུམ་དང་ལྡན་པའི་མཆོག་གི་སྤྲུལ་སྐུ་ཆོས་ཅན། བྱང་སེམས་སྦྱོར་ལམ་པའི་ཡོངས་སུ་འཛིན་པ་ཡིན་ཏེ། དེ་ལ་གདམས་ངག་སྟོན་པའི་བཤེས་གཉེན་ཡིན་པས་སོ། །ཁྱད་པར་གསུམ་ལས་ཤེས་རབ་ཀྱི་ཁྱད་པར་ནི། སེམས་དང་པོར་མི་འགོང་ཞིང། བར་དུ་མི་སྐྲག་པ་དང། སོགས་པས་ཐ་མར་ཀུན་ཏུ་སྐྲག་པ་མེད་པའོ། །ཆོས་སྟོན་པའི་ཁྱད་པར་ནི། ཐབས་ལ་མཁས་པས་གདུལ་བྱའི་བསམ་པ་ཇི་ལྟ་བ་བཞིན་དུ་དངོས་པོ་མཐའ་དག་བདག་མེད་པ་དང། དགེ་བའི་རྩ་བ་བླ་མེད་བྱང་ཆུབ་ཏུ་བསྔོ་བ་སོགས་སྟོན་པར་བྱེད་པའོ། །མི་མཐུན་ཕྱོགས་སྤངས་པའི་ཁྱད་པར་ནི། ཕྱིན་དྲུག་གི་མི་མཐུན་ཕྱོགས་སེར་སྣ་ལ་སོགས་པ་དང་མི་ལྡན་པའོ། །ཞེས་ཀུན་མཁྱེན་རོང་སྟོན་གྱི་རྣམ་བཤད་ཚིག་དོན་རབ་གསལ་ལས་སོ། ། ཀུན་མཁྱེན་གོ་རམས་པས། འཕགས་པ་ལྟར་ན། བྱང་སེམས་སྦྱོར་ལམ་པ་ཐེག་དམན་དུ་མི་ལྟུང་བར་ཐེག་ཆེན་དུ་ཡོངས་སུ་འཛིན་པར་བྱེད་པའི་ཁྱད་ཆོས་སོ། །དབྱེ་ན། བྱང་སེམས་སྦྱོར་ལམ་པའི་ནང་གི་ཡོངས་འཛིན་ཐབས་ལ་མཁས་པ་དང་། དེའི་ཕྱིའི་ཡོངས་འཛིན་དགེ་བཤེས་གཉིས་སོ། །སློབ་དཔོོན་ལྟར་ན། མཚན་ཉིད་ནི། བྱང་སེམས་སྦྱོར་ལམ་པ་ལ་ཆོས་སྟོན་པའི་སྒོ་ནས་ཐེག་ཆེན་དུ་ཡོངས་སུ་འཛིན་པར་བྱེད་པའི་ཁྱད་པར་གསུམ་ལྡན་གྱི་དགེ་བའི་བཤེས་གཉེན། ཁྱད་པར་གསུམ་ནི། ཤེས་རབ་ཀྱི་ཁྱད་པར། ཆོས་སྟོན་པའི་ཁྱད་པར། མི་མཐུན་ཕྱོགས་སྤངས་པའི་ཁྱད་པར་རོ། །ཞེས་སྦས་དོན་རབ་གསལ་ལས་གསུངས་སོ། ། པཎ་ཆེན་ངག་ཆོས་ཀྱིས། ཐེག་ཆེན་སྦྱོར་ལམ་ཐེག་དམན་དུ་མི་ལྟུང་བར། ཐེག་ཆེན་དུ་ཡོངས་སུ་འཛིན་པར་བྱེད་པའི་ཁྱད་པར་གྱི་ཆོས་དེ་འདིར་བསྟན་ཡོངས་འཛིན་གྱི་ངོ་བོ་ཡིན་ཅིང་། དབྱེ་ན། བྱང་སེམས་སྦྱོར་ལམ་པའི་ནང་གི་ཡོངས་འཛིན་ཐབས་མཁས་དང། དེའི་ཕྱིའི་ཡོངས་འཛིན་དགེ་བཤེས་གཉིས་ཡོད། ཅེས་ཤེར་འགྲེལ་དགོངས་དོན་རབ་གསལ་ལས་གསུངས་སོ། །
Domain	ཆོས་ལུགས།