72310

ཡོངས་ཤེས་སུ་འཇོག་པའི་རྒྱུ་བཞི་ (1)

Part of speech	མིང་ཚིག
Definition	མདོ། མངོན་པ། གལ་ཏེ་ལ་ལར་ནི་སྤངས་པ་མང་པོ་བསྡོམས་ནས་ཡོངས་ཤེས་རེ་རེར་འཇོག་ལ། ལ་ལར་ནི་སྤངས་པ་རེ་རེ་ལ་ཡོངས་ཤེས་རེ་རེར་འཇོག་པ་ལ་རྒྱུ་མཚན་ཅི་ཡོད་ཅེ་ན། དེ་ལ་ཤེས་བཟོད་རྣམས་ཀྱི་འབྲས་བུ་བྲལ་བ་ནི་རྒྱུ་གསུམ་གྱིས་ཡོངས་ཤེས་སུ་བཞག་སྟེ་ཞེས་སྦྱར་ཏེ། གང་ཞེ་ན་བྲལ་བའི་ཐོབ་པ་ཟག་མེད་གསར་དུ་རྙེད་པ་དང་། སྲིད་རྩེའི་ཉོན་མོངས་པ་ཉམས་པར་བྱས་པ་དང་། རྒྱུ་སྡུག་བསྔལ་དང་ཀུན་འབྱུང་མཐོང་སྤང་གི་ཀུན་འགྲོ་གཉིས་ཀུན་དུ་བཅོམ་པའི་ཕྱིར་རོ། །དེ་ལ་སོ་སོའི་སྐྱེ་བོ་ལ་ནི་རྒྱུ་གཉིས་བཅོམ་པ་ཡོད་ཀྱང་སྡུག་བསྔལ་ལ་ཆོས་ཤེས་པ་ལ་ནི་དང་པོ་ཡོད་ཀྱང་ཕྱི་མ་གཉིས་མེད་དེ་སྡུག་བསྔལ་ལ་རྗེས་སུ་ཤེས་པ་ལ་ནི་དང་པོ་གཉིས་ཡོད་ཀྱང་ཕྱི་མ་མེད་དེ། ཀུན་འབྱུང་མཐོང་སྤང་གི་ཀུན་འགྲོ་མ་སྤངས་པའི་ཕྱིར་རོ། །ཀུན་འབྱུང་ལ་ཆོས་ཤེས་པའི་གནས་སྐབས་ན་ནི་གསུམ་ག་ཡོད་པའི་ཕྱིར་འདོད་པའི་སྡུག་བསྔལ་དང་ཀུན་འབྱུང་མཐོང་སྤང་སྤངས་པའི་ཡོངས་ཤེས་གཅིག་ཏུ་གཞག་གོ ། དེ་བཞིན་དུ་ཁམས་གོང་མ་གཉིས་ཀྱི་ལའང་ཤེས་པར་བྱའོ། །འདོད་པའི་འགོག་ལམ་ལ་ཆོས་ཤེས་པ་གཉིས་ནི་རེ་རེ་ལའང་རྒྱུ་གསུམ་ག་ཚང་བའི་ཕྱིར་ཡོངས་ཤེས་རེ་རེར་གཞག་གི་བཟོད་པ་རྣམས་ནི་མ་ཡིན་ཏེ། བྲལ་ཐོབ་ཟག་མེད་གསར་དུ་མ་རྙེད་པའི་ཕྱིར་རོ། །དེ་དག་ནི་བཟོད་པའི་འབྲས་བུ་ཡོངས་ཤེས་དྲུག་ཏུ་འཇོག་པའི་རྒྱུ་ཡིན་ནོ། །སྒོམ་ལམ་ལ་བཟོད་པ་མེད་པས་ཤེས་པའི་འབྲས་བུ་ཡོངས་ཤེས་ཐ་མ་གསུམ་ནི་རྒྱུ་གསུམ་པོ་དེ་དག་དང་། བཞི་པ་འདོད་པ་ལ་སོགས་པའི་ཁམས་གསུམ་ལས་འདས་པ་ལས་ཀྱང་རིམ་པ་ལྟར་གཞག་གོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།