72468

ཡོན་ཏན་གྱི་ཆོས་ཐམས་ཅད་ལ་གནས་པར་འགྱུར་བའི་ཆོས་དྲུག་ (1)

Part of speech	མིང་ཚིག
Definition	གླང་པོའི་རྩལ་གྱི་མདོ་ལས་བྱུང་བ་སྟེ། འདི་ལ་བྱང་ཆུབ་སེམས་དཔའ་སྦྱིན་པ་བྱེད་པ་ན། སྦྱིན་པའི་བདག་པོ་བདོག་པ་ཐམས་ཅད་ཡོངས་སུ་གཏོང་བ་ཡིན་མོད་ཀྱི། བདག་སེར་སྣ་སྤྱོད་པ་ལས་རྣམ་པར་ལོག་པར་མི་མཐོང་ངོ༌། ། ཚུལ་ཁྲིམས་ལ་གནས་པ་ཡིན་མོད་ཀྱི། བདག་ཚུལ་ཁྲིམས་ངན་པ་ལས་འདས་པ་ཡིན་པར་མི་ཤེས་སོ། ། བཟོད་པ་དང་ངེས་པར་ལྡན་པ་ཡིན་མོད་ཀྱི། བདག་གནོད་སེམས་ཀྱི་སྤྱོད་པ་དང་བྲལ་བར་མི་མཐོང་ངོ༌། ། བརྩོན་འགྲུས་བརྩམས་པ་ཡིན་མོད་ཀྱི། ལུས་དང༌། སེམས་ཀྱིས་བརྩོན་པ་མ་ཡིན་ནོ། ། བསམ་གཏན་དང༌། རྣམ་པར་ཐར་པ་དང༌། ཏིང་ངེ་འཛིན་དང༌། སྙོམས་པར་འཇུག་པ་ཐམས་ཅད་ལ་མཁས་པ་ཡིན་མོད་ཀྱི། སེམས་རྩེ་གཅིག་ཏུ་གནས་པར་གྱུར་པའང་མ་ཡིན་ནོ། ། སྤྱོད་ཡུལ་ཤེས་རབ་ལ་གནས་པ་ཡིན་མོད་ཀྱི། བདག་འགྲོ་བ་ཐམས་ཅད་ལས་ཡོངས་སུ་མ་གྲོལ་བར་མཐོང་ངོ༌། །
Domain	ཆོས་ལུགས།

ཡོན་ཏན་གྱི་ཆོས་ཐམས་ཅད་ལ་གནས་པར་འགྱུར་བའི་ཆོས་དྲུག་ (2)

Part of speech

མིང་ཚིག

Definition

འདི་ལ་བྱང་ཆུབ་སེམས་དཔའ་སེམས་ཅན་དམྱལ་བའི་གནས་ཡོངས་སུ་གཟུང་བའང་ཡོངས་སུ་འཛིན་ལ་མཐོ་རིས་ཀྱི་ཆོས་ཀྱང་མྱོང་བར་བྱེད་པ། དུད་འགྲོ་འགྲོ་བའི་གནས་ཀྱང་ཡོངས་སུ་འཛིན་ལ་མིའི་ཆོས་རྒྱ་ཆེན་པོའང་མྱོང་བར་བྱེད་པ། རིགས་དམའ་བར་སྐྱེ་བ་ཡོངས་སུ་འཛིན་ལ་འཁོར་ལོས་བསྒྱུར་བའི་རྒྱལ་སྲིད་ཀྱི་བདེ་བའང་མྱོང་བར་བྱེད་པ། སྐྱེ་བ་ཐམས་ཅད་གཏོགས་པར་ཡང་སྟོན་ལ་འགྲོ་བའི་ཁྱད་པར་གྱི་བྱ་བ་རྣམས་ཀྱང་མྱོང་བར་བྱེད་པ། སངས་རྒྱས་ཀྱི་ཞིང་ཐམས་ཅད་དུ་འགྲོ་བ་ལ་མཁས་པའང་ཡིན་ལ་གནས་ནས་ཀྱང་མི་འཕོ། འགྲོ་བའང་མེད། འོང་བའང་མེད་ཅིང་སངས་རྒྱས་ཀྱི་ཞིང་ཐམས་ཅད་དུའང་ཆུའི་ཟླ་བ་བཞིན་དུ་སྣང་བ་དང༌། སྒྲ་སྐད་ཐམས་ཅད་ཀྱང་འབྱིན་ལ་ཕན་ཚུན་འདྲེས་པར་ཡང་མི་བྱེད་པ་ཡིན་ནོ། །