7268

གད་མོ་ཆེར་དགོད་པ་བཅུ་ (1)

Part of speech	མིང་ཚིག
Definition	ཕལ་ཆེན་ལེའུ་ཞེ་གསུམ་པ་དེ་བཞིན་གཤེགས་པ་སྐྱེ་བ་འབྱུང་བ་བསྟན་པ་ལས་བྱུང་བ་སྟེ། ༡ འདི་ལྟར་ཀྱེ་མའོ་འཇིག་རྟེན་གནས་པ་འདི་ནི་འདོད་པའི་འདམ་དུ་ཕྱིང་བ་སྟེ། འདི་ལ་ངེད་མ་གཏོགས་པར་གཞན་འབྱིན་པར་བྱེད་པ་སུ་ཡང་མེད་དོ་སྙམ་ནས་བྱང་ཆུབ་སེམས་དཔའ་རྣམས་གད་མོ་ཆེར་དགོད་པ། ༢ འཇིག་རྟེན་གནས་པ་འདི་ནི་ཉོན་མོངས་པས་ལྡོངས་པར་བྱས་པའོ། །བདག་ནི་ཤེས་རབ་དང་ཡེ་ཤེས་ཀྱིས་ཤིན་ཏུ་བརྒྱན་པའོ། །ཞེས་ནས། བྱང་ཆུབ་སེམས་དཔའ་རྣམས་གད་མོ་ཆེར་དགོད་པའོ། ། ༣ ལུས་ཀྱི་གཞི་འདི་ཉིད་ཀྱིས་དེ་བཞིན་གཤེགས་པའི་ཆོས་ཀྱི་སྐུ་བླ་ན་མེད་པ་ཆེན་པོ་དུས་གསུམ་རྒྱས་པར་འགེངས་པ་ཐོབ་པར་འགྱུར་རོ་ཞེས་བྱང་ཆུབ་སེམས་དཔའ་རྣམས་གད་མོ་ཆེར་དགོད་པའོ། ། ༤ གཞན་ཡང་བྱང་ཆུབ་སེམས་དཔའ་རྣམས། བྱང་ཆུབ་སེམས་དཔའི་མིག་བསྒྲིབས་པ་མེད་པས། ཕྱོགས་བཅུར་ཚངས་པའི་ལྷའི་གནས་ཉེ་བར་བཟུང་བ་ནས། དབང་ཕྱུག་ཆེན་པོའི་གནས་ཀྱི་བར་དུ་རྣམ་པར་ལྟ་ཞིང་འདི་སྙམ་དུ་སེམས་ཏེ། སེམས་ཅན་འདི་དག་ནི་ལུས་སུ་འཕེལ་བའོ། །བདག་ནི་ཡེ་ཤེས་ཀྱི་སྟོབས་དང་ལྡན་པའོ་ཞེས་བྱ་བར་མཐོང་ནས། བྱང་ཆུབ་སེམས་དཔའ་རྣམས་གད་མོ་ཆེར་དགོད་པའོ། ། ༥ སྔོན་དགེ་བའི་རྩ་བ་བསྐྱེད་པའི་སེམས་ཅན་རྣམས་ད་དུང་ཕྱིར་མི་ལྡོག་པར་མཐོང་ནས། བྱང་ཆུབ་སེམས་རྣམས་གད་མོ་ཆེར་དགོད་པའོ། ། ༦ ས་བོན་ཆུང་ངུ་ལས་འབྲས་བུ་ཆེར་འགྱུར་བར་མཐོང་ནས། བྱང་ཆུབ་སེམས་དཔའ་རྣམས་གད་མོ་ཆེར་དགོད་པའོ། ། ༧ ཡང་དག་པར་རྫོགས་པའི་སངས་རྒྱས་ཀྱི་བསྟན་པ་དོན་ཡོད་པར་མཐོང་ནས། བྱང་ཆུབ་སེམས་དཔའ་རྣམས་གད་མོ་ཆེར་དགོད་པའོ། ། ༨ སྔོན་ཐེག་པ་ལ་ལྷན་ཅིག་ཏུ་ཞུགས་པའི་བྱང་ཆུབ་སེམས་དཔའ་རྣམས་ཆགས་པའི་གནས་གཞན་དང་གཞན་ལ་ཆགས་པས། སངས་རྒྱས་ཀྱི་ཆོས་ཀྱི་ཆེ་བ་ཉིད་མ་ཐོབ་པ་མཐོང་ནས། བྱང་ཆུབ་སེམས་དཔའ་རྣམས་གད་མོ་ཆེར་དགོད་པའོ། ། ༩ སྔོན་འགྲོགས་པར་གྱུར་པའི་ལྷ་དང་མི་རྣམས་ཆུང་ངུ་ན་བྱིས་པའི་ས་ལས་ཀྱང་མ་འདས་ཤིང་ཡོངས་སུ་སྐྱོ་བའི་དབང་པོ་དང་ལྡན་པར་གྱུར་པ་མཐོང་ནས། བྱང་ཆུབ་སེམས་དཔའ་རྣམས་གད་མོ་ཆེར་དགོད་པའོ། ། ༡༠ དེ་བཞིན་གཤེགས་པ་མ་ལུས་པ་ཐམས་ཅད་ཀྱི་འོད་ཟེར་དབུགས་ཕྱིན་པ་ཆེན་པོ། རྣམ་པར་འཕེལ་བར་བྱེད་པས་རེག་པར་གྱུར་ནས། བྱང་ཆུབ་སེམས་དཔའ་རྣམས་གད་མོ་ཆེར་དགོད་པའོ། །
Domain	ཆོས་ལུགས།