72718

ར་རོ་བར་བྱེད་པའི་ཡིད་ཀྱི་ལས་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། མདོ་དགོངས་པ་འདུས་པར་སྣང་བའི་མདོ་ཡིད་ཀྱི་རྣམ་ཤེས་འཆད་སྐབས་སུ་ཡིད་ཤེས་ཐུན་མིན་གྱི་བྱེད་ལས་བཅོ་ལྔ་བསྟན་པའི་ནང་གསེས་ཤིག་སྟེ། འདིའི་དོན་གཟི་ལྡན་འཆར་ཁའི་འོད་སྣང་ལས། ར་རོ་བར་བྱེད་པའི་ཡིད་ཀྱི་ལས་ནི། དྲན་པ་རྨོངས་ཤིང་ཉམས་པར་བྱེད་པ་དང་སེམས་དཔའ་བ་དང་བག་མེད་པར་བྱེད་པའི་རྐྱེན་དུ་གྱུར་པའི་ཆང་དང་སྦྲང་ཆང་ལྟ་བུར་མྱོས་པར་འཐུང༌། གང་གི་དུས་འདིར་ལུས་ཀྱི་འབྱུང་བ་བཞི་ཆ་མ་སྙོམས་པར་འགྱུར་བའི་དབང་གིས་དབང་པོའི་རྟེན་འགྱུར་བའི་ཕྱིར་དབང་པོའི་འབྱུང་བ་རྣམས་ཀྱང་འགྱུར་བའི་ཤུགས་ཀྱིས་རྣམ་ཤེས་རྣམས་ཀྱང་སྤྱོད་ཡུལ་སྔ་མ་ལས་འགྱུར་ཏེ་ངོ་བོ་འགྱུར་བ་དང༌། རྣམ་ཤེས་གྱུར་བ་དེ་དང་ཆ་མཐུན་པར་ལུས་ཀྱི་འབྱུང་བའི་སྤྱོད་ཡུལ་ཡང་རྐྱེན་དེ་ཡིས་དེ་ལྟར་ཆ་མཐུན་ཅན་དུ་འགྱུར་བ་དང༌། དེ་དག་གི་དབང་གིས་ལུས་ཉམས་ཆུང་བ་དང༌། སྔར་འཐུང་བ་ལ་མ་གོམས་པའམ། སྔོན་གོམས་པ་རྣམས་ཀྱང་མ་གོམས་པ་ལྟར་ཤེས་པ་མྱོས་པས་བརྗེད་དེ་ཤེས་པའི་ལས་ཀུན་མི་ཤེས་པར་འགྱུར་བ་དང༌། ཆང་བཟང་པོ་རྣོ་བའི་མཐུའམ། ཤེས་པ་སླར་དཔའ་བས་རྣོ་བར་འགྱུར་བ་དང༌། ཆང་མང་པོ་ཚད་ལས་འདས་པར་འཐུང་བའམ། ཚད་ལས་འདས་ཏེ་ཤེས་པ་སྔོན་བས་གསལ་བར་འགྱུར་བ་སྟེ་དེ་ལྟར་དྲུག་པོ་གང་ཡིན་པའང་ཡིད་ཀྱི་ལས་སུ་གྱུར་པའོ། །ཞེས་གསུངས་སོ། །
Domain	ཆོས་ལུགས།