72959

རང་བཞིན་གནས་རིགས་ (1)

Part of speech	མིང་ཚིག
Definition	མདོ། རིགས་གང་ཞིག གཏེར་གྱི་དཔེས་མཚོན་ནས་བསྟན་པ། རང་བཞིན་གནས་རིགས་ཀྱི་མཚན་ཉིད། མཚན་གཞི་ནི། དྲི་བཅས་ཀྱི་སེམས་བདེན་སྟོང་ལྟ་བུ། རང་བཞིན་གནས་རིགས་དེ་ལ་དབྱེ་ན། ཉན་ཐོས་ཀྱི་སྒྲུབ་པའི་རྟེན་རང་བཞིན་གནས་རིགས། རང་རྒྱལ་གྱི་སྒྲུབ་པའི་རྟེན་རང་བཞིན་གནས་རིགས། ཐེག་ཆེན་གྱི་སྒྲུབ་པའི་རྟེན་རང་བཞིན་གནས་རིགས་དང་གསུམ། ཉན་ཐོས་སློབ་པའི་རྒྱུད་ཀྱི་རང་བཞིན་གནས་རིགས་གང་ཞིག །ཉན་ཐོས་ཀྱི་སྒྲུབ་པའི་དངོས་ཀྱི་རྟེན་གཞི་བྱེད་པ། དང་པོའི་མཚན་ཉིད། འདིའི་ས་མཚམས། ཉན་ཐོས་ཀྱི་ཚོགས་ལམ་ནས་ཉན་ཐོས་ཀྱི་སྒོམ་ལམ་སྐད་ཅིག་ཐ་མའི་བར་ན་ཡོད། རང་རྒྱལ་སློབ་པའི་རྒྱུད་ཀྱི་རང་བཞིན་གནས་རིགས་གང་ཞིག །རང་རྒྱལ་གྱི་སྒྲུབ་པའི་དངོས་ཀྱི་རྟེན་གཞི་བྱེད་པ། གཉིས་པའི་མཚན་ཉིད། ས་མཚམས་རང་རྒྱལ་གྱི་ཚོགས་ལམ་ནས་དེའི་སྒོམ་ལམ་སྐད་ཅིག་ཐ་མའི་བར་ན་ཡོད། ཐེག་ཆེན་སློབ་པའི་རྒྱུད་ཀྱིས་བསྡུས་པའི་རང་བཞིན་གནས་རིགས་གང་ཞིག །ཐེག་ཆེན་གྱི་སྒྲུབ་པའི་རྟེན་གཞི་བྱེད་པ། གསུམ་པའི་མཚན་ཉིད། འདིའི་ས་མཚམས་ཐེག་ཆེན་གྱི་ཚོགས་ལམ་ནས་རྒྱུན་མཐའི་བར་ན་ཡོད། བྱང་སེམས་ཀྱི་སྦྱོར་ལམ་ཐོབ་ཟིན་པའི་སེམས་དཔའི་རྒྱུད་ཀྱི་ཆོས་ཀྱི་དབྱིངས་གང་ཞིག །ཐེག་ཆེན་གྱི་སྒྲུབ་པའི་རྟེན་གཞི་བྱེད་པ་དེ། འདིར་དངོས་སུ་བསྟན་པའི་ཐེག་ཆེན་གྱི་སྒྲུབ་པའི་རྟེན་རང་བཞིན་གནས་རིགས་ཀྱི་མཚན་ཉིད། དབྱེ་ན། ཐེག་ཆེན་གྱི་རྟོགས་པའི་ཆོས་དྲུག གཉེན་པོའི་སྒྲུབ་པ། སྤོང་བའི་སྒྲུབ་པ། དེ་དག་ཡོངས་སུ་སྟུགས་པའི་སྒྲུབ་པ། ཤེས་རབ་སྙིང་རྗེར་བཅས་པའི་སྒྲུབ་པ། སློབ་མ་ཉན་རང་སོགས་དང་ཐུན་མོངས་མ་ཡིན་པའི་སྒྲུབ་པ། གཞན་དོན་གོ་རིམས་སུ་བྱེད་པའི་སྒྲུབ་པ། ཡེ་ཤེས་རྩོལ་པ་མི་མངའ་བར་འཇུག་པའི་རྟེན་རང་བཞིན་གནས་རིགས་རྣམས་ཏེ་བཅུ་གསུམ་ཡོད་པའི་ཕྱིར། འདིའི་ས་མཚམས། བྱང་སེམས་ཀྱི་སྦྱོར་ལམ་དྲོད་ནས་འཇོག་པའི་རྒྱུ་མཚན་ཡོད་དེ། དེ་ནས་རིགས་སད་པ་ལ་བར་དུ་གཅོད་པའི་ཉེས་དམིགས་བཞི་དང་བྲལ་བའི་རྒྱུ་མཚན་གྱིས་དེ་ལྟར་བསྟན་པའི་ཕྱིར།
Domain	ཆོས་ལུགས།

{{#arraymap:རང་བཞིན་གནས་རིགས་

|; |@@@ | | }}

རང་བཞིན་གནས་རིགས་ (2)

Part of speech

མིང་ཚིག

Definition

སེམས་ཅན་གྱི་ཆོས་ཉིད་ཀྱང་ཡིན། ངོ་བོ་ཉིད་སྐུར་འགྱུར་རུང་ཡང་ཡིན་པའི་གཞི་མཐུན་པར་དམིགས་པ། རང་བཞིན་གནས་རིགས་ཀྱི་མཚན་ཉིད་དང༌། བྱང་ཆུབ་སེམས་དཔའི་རྒྱུད་ཀྱི་ངོ་བོ་ཉིད་སྐུར་འགྱུར་རུང་གི་ཆོས་ཉིད་ཀྱང་ཡིན། ཐེག་ཆེན་སྒྲུབ་པའི་དངོས་ཀྱི་རྟེན་གཞི་བྱེད་པ་ཡང་ཡིན་པའི་གཞི་མཐུན་པར་དམིགས་པ། ཐེག་ཆེན་སྒྲུབ་པའི་རྟེན་རང་བཞིན་གནས་རིགས་ཀྱི་མཚན་ཉིད། དེས་གཞན་ལ་ཡང་ཤེས་སོ། །དེ་ལ་དབྱེ་ན། སྐབས་འདིར་དངོས་སུ་བསྟན་པ་བཅུ་གསུམ་གྱི་སྟེང་དུ་ཐེག་ཆེན་ཚོགས་ལམ་གྱི་རྟེན་དུ་གྱུར་པའི་རང་བཞིན་གནས་རིགས་དང་བཅུ་བཞིར་ཡོད་དོ། །

{{#arraymap:རང་བཞིན་གནས་རིགས་

|; |@@@ | | }}

རང་བཞིན་གནས་རིགས་ (3)

Part of speech	མིང་ཚིག
Definition	སེམས་ཅན་གྱི་རྒྱུད་ཀྱི་བསྡུས་པའི་ཆོས་ཉིད་གང་ཞིག ངོ་བོ་ཉིད་སྐུར་འགྱུར་རུང་དེ། རང་བཞིན་གནས་རིགས་ཀྱི་མཚན་ཉིད་ཡིན། སེམས་ཅན་གྱི་ཆོས་ཉིད་དང་དེའི་རྒྱུད་ཀྱི་རྣམ་པར་ཤེས་པའི་ཆོས་ཉིད་རྣམས་དེའི་མཚན་གཞི་ཡིན། དེ་ལ་དབྱེ་ན། ཉན་ཐོས་ཀྱི་སྒྲུབ་པའི་རྟེན་རང་བཞིན་གནས་རིགས་དང༌། རང་རྒྱལ་གྱི་དེ། ཐེག་ཆེན་གྱི་དེ་དང་གསུམ་ཡོད།

{{#arraymap:རང་བཞིན་གནས་རིགས་

|; |@@@ | | }}

རང་བཞིན་གནས་རིགས་ (4)

Part of speech

མིང་ཚིག

Definition

རང་བཞིན་དུ་གནས་པའི་རིགས་གང་ཡིན་པ་དེ་ཁམས་བདེ་བར་གཤེགས་པའི་སྙིང་པོ་དང། རྒྱུ་བདེ་བར་གཤེགས་པའི་སྙིང་པོ་དངོས་ཡིན་ལ། སྤྱིར་སངས་རྒྱས་ཀྱི་སྙིང་པོ་དངོས་མ་ཡིན་ཞིང། སེམས་ཅན་གྱི་སྙིང་པོ་དངོས་ཡིན་ཅིང་དེ་གང་ལ་ཡོད་པ་ནི་སེམས་ཅན་ཁོ་ན་ཡིན་པ་དང། སངས་རྒྱས་དང་སེམས་ཅན་གཉིས་ཀ་ལ་ཁྱབ་པའི་དེ་བཞིན་ཉིད་རང་བཞིན་རྣམ་དག་གི་ཆ་མིན་པར་དགག་པ་དེ། རང་བཞིན་བདེ་གཤེགས་སྙིང་པོ་དངོས་ཡིན་ཀྱང། སྤྱི་ཙམ་ནས་སངས་རྒྱས་ཀྱི་སྙིང་པོ་མ་ཡིན་པ་དང། དེ་གང་ལ་ཡོད་པ་ནི་སངས་རྒྱས་དང་སེམས་ཅན་གཉིས་ཀ་ལ་ཡོད་པ་དང། སངས་རྒྱས་ཀྱི་ཆོས་ཀྱི་སྐུ་ནི། འབྲས་བུ་བདེ་བར་གཤེགས་པའི་སྙིང་པོ་དང། སྙིང་པོ་དངོས་དང། དེ་གང་ལ་ཡོད་པ་ནི་སངས་རྒྱས་ཀྱི་ས་ཁོ་ན་ན་ཡོད་པ་དང། བྱང་སེམས་འཕགས་པའི་རྒྱུད་ཀྱི་ཤེས་སྒྲིབ་ཀྱི་ཕྱོགས་གཅིག་དང་བྲལ་བའི་ཆོས་སྐུ་དེ་ཡང་རང་རྒྱུད་ལྡན་གྱི་འཕགས་པ་དགེ་འདུན་དཀོན་མཆོག་ཏུ་འཇོག་པར་བྱེད་པའི་བྱེད་ཆོས་ཀྱི་གཙོ་བོ་ཡིན་པས་སྙིང་པོ་དངོས་སུ་ཁས་ལེན་དགོས་ལ། དེ་ཡང་གསུམ་གྱི་ནང་ནས་ཆོས་སྐུའི་ནང་དུ་འདུས་ཤིང་། དེ་དག་ཆོས་ཀྱི་སྐུ་ཇི་ལྟར་ཡིན་པའི་ཤེས་བྱེད་ནི། མྱ་ངན་ལས་འདས་པའི་མདོ་དང། ཀླུ་སྒྲུབ་ཞབས་ཀྱི་ཆོས་དབྱིངས་བསྟོད་པ་དང་། ཐོགས་མེད་ཞབས་ཀྱིས་མཛད་པའི་རྒྱུད་བླ་མའི་འགྲེལ་པར་མདོ་དྲངས་པ་རྣམས་ལས་གསལ་བ་ཡིན་ནོ། །ཞེས་པཎ་ཆེན་ཤཱཀྱ་མཆོག་ལྡན་གྱི་རྒྱན་འགྲེལ་ལུང་རིགས་རོལ་མཚོ་ལས་སོ། །

{{#arraymap:རང་བཞིན་གནས་རིགས་

|; |@@@ | | }}

རང་བཞིན་གནས་རིགས་ (5)

Part of speech	མིང་ཚིག
Definition	ངོ་བོ་ཉིད་ཀྱི་སྐུ་འགྱུར་རུང་གི་དྲི་མ་དང་བཅས་པའི་སེམས་ཀྱི་ཆོས་ཉིད་ཞིག་ལ་བྱའོ། །མཚན་ཉིད་ནི། པཎ་ཆེན་ཕར་ཕྱིན་མཐའ་དཔྱོད་ལས། རང་གི་རྟེན་ཆོས་སུ་གྱུར་པའི་དྲི་མ་སྤངས་པའི་ཤེས་པའི་ཆོས་ཉིད་གང་ཞིག། ངོ་བོ་ཉིད་སྐུར་འགྱུར་རུང་དེ། རང་བཞིན་གནས་རིགས་ཀྱི་མཚན་ཉིད། ཅེས་གསུངས། རྟེན་གྱིས་སྒོ་ནས་དབྱེ་ན། ཐེག་པ་གསུམ་ཀྱི་རྟེན་རང་བཞིན་གནས་རིགས་གསུམ་ཡོད་དོ། །

{{#arraymap:རང་བཞིན་གནས་རིགས་

|; |@@@ | | }}