73249

རང་རྒྱུད་ཀྱི་ཆོས་ཅན་མ་གྲུབ་པ་ (1)

Part of speech	མིང་ཚིག
Definition	མདོ། དབུ་མ། གལ་ཏེ་ཆོས་ཅན་ནང་གི་སྐྱེ་མཆེད་ཀྱི་ཁྱད་པར་དུ་སྦྱོར་ཏེ། འདིར་ཀུན་རྫོབ་ཏུའང་བདག་སྐྱེ་བར་དགག་པར་འདོད་པའི་ཕྱིར་རོ་ཞེ་ན། འོ་ན་ལེགས་ལྡན་འབྱེད་རང་ཉིད་ལ་གཞི་མ་གྲུབ་པའི་ཕྱོགས་ཀྱི་སྐྱོན་དང་གཏན་ཚིགས་ཀྱི་སྐྱོན་དུ་འགྱུར་ཏེ། རང་གིས་དོན་དམ་པར་མིག་ལ་སོགས་པའི་སྐྱེ་མཆེད་ཁས་མ་བླངས་པའི་ཕྱིར་རོ། །གལ་ཏེ་ཀུན་རྫོབ་ཏུ་ཆོས་ཅན་མིག་སོགས་ཡོད་པའི་ཕྱིར་གཞི་མ་གྲུབ་པའི་ཕྱོགས་དང་། གཏན་ཚིགས་ཀྱི་ཉེས་པ་མེད་དོ་ཞེ་ན། འོ་ན་དོན་དམ་པར་ཞེས་པའི་ཁྱད་པར་འདི་གང་གི་ཡིན། གལ་ཏེ་མིག་སོགས་ཀུན་རྫོབ་པ་རྣམས་དོན་དམ་པར་སྐྱེ་བ་འགོག་པས་དོན་དམ་པ་ཞེས་པ་སྐྱེ་བ་འགོག་པའི་ཁྱད་པར་ཡིན་ནོ་ཞེ་ན། དེའང་མ་ཡིན་ཏེ། དེ་ལྟར་དུ་སྨྲ་དགོས་པ་ལས་མ་སྨྲས་པའི་ཕྱིར། སྨྲས་ནའང་ཕ་རོལ་པོས་མིག་སོགས་ཀུན་རྫོབ་པ་ཁས་མ་བླངས་པས་དེ་ལ་སྔར་གྱི་སྐྱོན་གཉིས་པོ་དེར་འགྱུར་བའི་ཕྱིར་རོ། །གལ་ཏེ་རང་གི་སྡེ་པ་དག་གིས་གྲངས་ཅན་གྱི་ངོར་སྒྲ་མི་རྟག་པར་བསྒྲུབ་པ་ན་རྟག་མི་རྟག་གང་གིས་ཀྱང་ཁྱད་པར་དུ་མ་བྱས་པའི་སྒྲ་ཙམ་ཆོས་ཅན་དུ་འཛིན་པ་བཞིན་འདིར་ཡང་བདེན་བརྫུན་གང་གིས་ཀྱང་ཁྱད་པར་དུ་མ་བྱས་པའི་ནང་གི་སྐྱེ་མཆེད་ཙམ་ཆོས་ཅན་དུ་འཛིན་པས་སྔར་གྱི་ཉེས་པ་གཉིས་པོ་མེད་དོ་ཞེ་ན། འདི་ལ་གཉིས་ལས། དང་པོ་དོན་མི་འཐད་པ་ནི། དེ་ལྟར་ན་ལེགས་ལྡན་འབྱེད་རང་ཉིད་ཀྱིས་སྐྱེ་བ་དགག་པ་བསྒྲུབ་བྱའི་ཆོས་སུ་བྱེད་པའི་ཚེ་སྐྱེ་མེད་དེ་རྟེན་ཆོས་ཅན་ནང་གི་སྐྱེ་མཆེད་ཙམ་པོ་ནི་ཉམས་ཤིང་མ་གྲུབ་པར་ཁས་བླངས་པ་དང་འགལ་ཏེ། སྐྱེ་མེད་ཡུལ་དུ་བྱེད་པའི་བློ་ནི་རིགས་ཤེས་ཕྱིན་ཅི་མ་ལོག་པའི་བློ་དང་། མིག་སོགས་ནང་གི་སྐྱེ་མཆེད་ནི་ཕྱིན་ཅི་ལོག་ཙམ་གྱིས་བདག་གི་དངོས་པོ་རྙེད་པ་ཡིན་པར་ཁས་བླངས་པའི་ཕྱིར་རོ། །ཁྱབ་སྟེ་ཕྱིན་ཅི་ལོག་པ་དང་། ཕྱིན་ཅི་མ་ལོག་པའི་བློ་གཉིས་འཛིན་སྟངས་དངོས་སུ་འགལ་བ་ཡིན་པས་གཅིག་གིས་གྲུབ་པ་གཅིག་ཤོས་ཀྱིས་མི་འགྲུབ་པའི་ཕྱིར་རོ། །གཉིས་པ་དཔེ་མ་གྲུབ་པ་ནི། དཔེ་དང་ཡང་མི་མཚུངས་ཏེ་སྒྲ་མི་རྟག་པར་བསྒྲུབ་པའི་ཚེ་རྟག་མི་རྟག་གང་གིས་ཀྱང་ཁྱད་པར་དུ་མ་བྱས་པའི་སྒྲ་ཙམ་རྒོལ་བ་གཉིས་ཀྱི་མཐུན་སྣང་དུ་གྲུབ་པ་ཡིན་ཀྱང་། ནང་གི་སྐྱེ་མཆེད་སྤྱི་ཙམ་ནི་དེའི་ཚེ་རྒོལ་ཕྱིར་རྒོལ་གཉིས་ཀྱིས་ཀུན་རྫོབ་ཏུའང་ཁས་མ་བླངས། དོན་དམ་པར་ཡང་ཁས་མ་བླངས་པའི་ཕྱིར་རོ། །ཞེས་ཀུན་མཁྱེན་གོ་རམས་པའི་དབུ་མའི་སྤྱི་དོན་ལས་གསུངས་སོ། །
Domain	[ཆོས་ལུགས།, ལྟ་གྲུབ།]

{{#arraymap:རང་རྒྱུད་ཀྱི་ཆོས་ཅན་མ་གྲུབ་པ་

|; |@@@ | | }}